黃翠如洪永城再度聯手拍旅遊節目 蔡思貝孤獨過生日冇人約

一二三，三二一

 一二三，三二一

楊千嬅 

00:00/05:27

今日快報

黃翠如洪永城再度聯手拍旅遊節目

黃翠如和洪永城(Tony)這對最佳拍檔，他們自從有線已經有不少合作，主要都是旅遊節目。雙雙過檔無線後依然都是合作無間，有《走過浮華大地》和《走過足球聖地》，劇集都有《愛我請留言》和《我瞞結婚了》，不過大家最想睇佢兩個都必定是旅遊節目，不少網民都說他們兩個劇集就一般，反而去嚇外國，介紹嚇當地文化仲受歡迎！

繼上一個節目《走過足球聖地》，他們已經四年沒有再一起拍攝旅遊節目，連世界盃都就快又踢一次，大家都好期待他們再走在一起，看來有機會喇！

事關翠如近排在Instagram上放了幾張相，除了有Tony的身影之外，更透露他們是在日本，仲有好靚的雪景，更有所暗示地說：「從這裡延續我們的旅程。」可能真系有旅遊節目繼續拍喎！不過今年世界盃在俄羅斯舉行，睇落就唔系系《走過足球聖地》喇！

老竇唔畀性感！陳凱琳曬透視裝問過嘉穎

藝人陳凱琳（Grace）到金鐘出席電影首映禮，身穿性感透視裝到場的她，表示有向男友鄭嘉穎講衣服的款式，問到男友是否不讓她著得性感：「唔系唔畀嘅，但唔好太性感。（佢自己睇？）唔系，佢知道可能驚我爹哋唔開心，佢都為我爹哋著想啫。」

Grace表示有看電影的第一集：「我好少睇呢啲戲，睇嗰時都有啲怕丑。我真系一路睇一路遮住，好似睇恐怖片咁。我啲朋友仲問我幾大。系開心與唔好開心之間，驚驚哋又要睇。」問到可會拍激情電影，Grace說：「唔得。我自己個尺度去唔到呢一度。（同男友一齊拍？）唔好啦！我自己都唔得，何況同佢一齊拍。（如果佢拍呢？）我諗佢都唔會?啦！我肯定佢唔拍。」她又表示情人節要開工，可能提早一兩日與男友慶祝。

結婚17年！張智霖袁詠儀十指緊扣放閃

昨日系張智霖（Chilam）同袁詠儀（靚靚）嘅結婚17周年紀念日，所以Chilam今日一早就已經喺社交網站上載二人好Sweet嘅背面照，佢哋喺相裡面齊齊舉高手兼拖實手仔，Chilam仲留言話：「十七年快樂！」老公咁有心，靚靚見到即刻冧爆！

之後靚靚亦轉發張相，似乎透露有浪漫嘅燭光晚餐食：「燭光晚餐的菜單：肉骨茶和桔仔水！」網友見到之後紛紛表示祝福及羨慕，有人更話見到佢哋咁恩愛仲開心過自己拍拖，Chilam同靚靚真系好閃呀！

冇人約！蔡思貝孤獨過生日：食完飯就瞓

藝人蔡思貝到元朗拍攝節目《降魔的捉妖遊戲》，體能超班的她笑言拍Game騷好玩，但相比上次到泰國拍《使徒行者卧底遊戲》更辛苦，思貝說：「因為我好怕凍，上次去泰國最多都系曬，冬天感受就好唔同，多室外部分，前兩日仲要濕身，好彩工作人員都好貼心，準備好暖包實時畀我哋。」

談到2月6日是思貝的27歲生日，她表示在工作中度過：「當日返公司開會，講新劇角色同故事，呢個角色好有挑戰，我當系一份禮物嚟。導演開完會先至知我生日，仲叫我下次生日開會應該say No，不過我唔介意嘅。（約人食生日飯？）冇呀，夜晚食完飯就瞓，幾lonely，原本約咗父母，但佢哋當日喺台灣返香港時Delay咗，已經約咗佢哋過年前補祝番。」

老公陪對戲　林淑敏冧爆：真系冇嫁錯

「大小姐」林淑敏到馬鞍山出席《都市閑情》之「靈犬「旺」福近新歲」活動，與一班主持拍檔大玩遊戲，深受街坊歡迎。

林淑敏憑劇集《愛·回家之開心速遞》人氣急升，問今個新年是否豬籠入水？她笑說：「希望觀眾會繼續開電視支持，錢夠使就算。（有其他新角色？）有份拍新劇《BB來了》，依家有方向，喺《愛》可以再做好啲。（角色影響你本人？）啲人以為我罵人冇底線，大聲少少就系罵人，仲有街坊見到我，叫我畀封Warning letter佢！咁代表個角色大家鍾意，我覺得系幸運嘅。」

問到有否畀過Warning letter老公？林淑敏說：「唔敢呀，佢負責畀家用。（投訴你惡？）冇，有時拍得多集數，自己個腦轉唔切，佢就會陪我對戲，我真系冇嫁錯人！（情人節陪老公？）要開劇、等緊許家傑返香港，有一集講我同佢。（老公呷醋？）唔會，許家傑女朋友都未呷醋啦！」

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 HKChannel 的精彩文章: