62歲TVB綠葉現實上演黃昏戀！拍拖3年結婚！重播《怒火街頭》片段雙雙感動落淚！

TVB無線男藝人陳榮峻在電視劇多是演陰險小人的角色，這位綠葉王坦言入行之前是做冷氣技工，不過因為自己喜歡做戲所以就當了無線的男演員至今。

2010年底，陳榮峻太太因腦部爆血管離世，令一切都改變了。目前他兒子女兒都長大，沒有兒女債，他也聽從長子意見，繼續留在演藝圈，默默耕耘。

已屆62歲的他，近年生活低調，還有第二春，與已屆57年，同屬無線資深演員吳香倫譜黃昏戀曲。

一對情侶能夠攜手走進婚姻，除咗要相愛，其實還面對著重重困難，年輕人可能面對金錢住屋問題，上了年紀的戀人一樣面對雙方家人的壓力。

由田蕊妮主持嘅《1+1的深情》，最新一集搵來陳榮峻吳香倫擔任嘉賓，仲搵來陳榮峻囝囝以及吳媽媽驚喜現身，令呢對準新人感動落淚。

2017年12月8日TVB盆菜宴上，62歲的金牌綠葉陳榮峻當住2000人面前，下跪向拍拖3年，現年57歲嘅女友吳香倫求婚。

這段黃昏戀能夠開花結果令不少人都相當感動。節目中回想起他們第一次見面，原來是2011年劇集《怒火街頭》中飾演根叔根嬸，田蕊妮取出電腦播放當年的片段：「你一定要講真話，我地先可以繼續做到夫妻。」吳香倫的戲中這段對白，就好像他們兩個真實寫照一樣。

他們兩個的相處，就好似學生puppy love一樣，陳榮峻會整蠱對方說是吳香倫做主動約他去唱K，田蕊妮問到底怎樣正式在一齊時，又會說：「做戲都有做啦，過馬路借頭借路拖手仔，無俾人Fing開咪即係接受咗囉。」

節目還找來幫手策劃求婚的黃翠如，原來他成日都向陳榮峻施加壓力，叫他快點向Helen求婚，「我呢啲老嘢求咩婚呀？」「你唔求婚鬼嫁你呀？咁你想同佢一世嗰個想你求婚呀嘛。」結果就成就出盆菜宴下跪一幕。

人生匆匆數十載，能夠去到臨近退休年齡覓得真愛實在唔容易。節目中陳榮峻同囝囝阿聰一齊接受訪問，講到當日展開追求前，陳榮峻拎住幅相問囝囝意見，阿聰坦言當時有點嚇親：「嗰下打個突好愕然，媽咪走左唔係好耐，但之後諗返其實都走咗三四年，自己都成日諗爸爸係咪應該搵返個伴，妹妹曾經私下話感覺上好似對媽媽不忠，但我就覺得媽咪人都走咗，佢都會想爸爸開心。」

其後阿聰更親自向吳香倫道謝:「媽媽剛走咗嗰段時間爸爸真係好崩潰，甚至曾經諗過自殺，所以多謝你，多謝你救返佢，呢件事真係衷心多謝你，陪伴佢行下半生。」田蕊妮亦讀出陳榮峻囡囡嘅親筆信，能夠得到家人祝福，令陳榮峻吳香倫都感動落淚。

喜歡這篇文章嗎？立刻分享出去讓更多人知道吧！