Angelababy29歲生日！老公黃曉明人肉速遞飛巴黎慶生

女星Angelababy（Baby）近日撇低囝囝「小海綿」去咗巴黎睇時裝騷，而今日仲系佢29歲生日添！人在異地唔通要孤伶伶慶祝？錯喇！因為佢有個廿四孝老公黃曉明呀！

Baby好友大陸名人蘇芒喺微博上載照片，原來曉明人肉速遞飛到巴黎為老婆慶祝呀！相中見到Baby雙手合實許願，影大合照時曉明仲攬實老婆，真系Sweet到漏呀！

而Baby好姊妹楊冪喺凌晨零時喺微博曬出與Baby及大陸主持人張大大嘅合照，乘機催對方快啲再生多個添！佢留言：「今天是Angelababy的生日，在這裡（里）讓我們一起祝福她：福如東海，壽比南山！ [心]再生一個，生日快樂！[蛋糕]乾杯吧朋友們，為了我們珍貴而美好的友情！」而早前喺Baby懷孕時接替對方拍大陸綜藝節目《奔跑吧》嘅迪麗熱巴，亦喺微博發文祝Baby愈嚟愈靚：「大美人Angelababy 生日快樂 越（愈）來越（愈）美[愛你]笑容常伴」愛人同閨密都咁錫自己，Baby真系好幸福呀！

喜歡這篇文章嗎？立刻分享出去讓更多人知道吧！