鍾嘉欣宣布離開無線安心養胎 袁偉豪撐黃智雯攞視後

最幸福的事

 Love Love Love

鍾嘉欣 

00:00/03:52

今日快報

陳奕迅夫妻游日慶生 王菲謝霆鋒合體齊唱K

謝霆鋒同王菲自2014年嚟個世紀複合後，雖然愛得低調，但不時被發現甜蜜外游，感情一直如膠似漆。近日趁住好朋友徐濠縈生日，佢哋仲合體唱K，喺房入面互唱情歌，真系冧到爆！

話說3月7日就系徐濠縈嘅生日，一班朋友包括老公陳奕迅（Eason）、霆鋒、王菲等就去咗日本玩，夜晚齊齊去唱K慶祝，徐濠縈就喺社交網度甫咗幾條Eason、王菲、霆鋒合唱嘅現場片，Eason同王菲合唱《因為愛情》，貴為天后嘅王菲唱K都特別有氣勢，平時啲人都系揸住支咪唱，佢就要用咪Stand唱，似足開騷一樣夠曬霸氣。

之後佢哋繼續合唱霆鋒首本名曲《因為愛所以愛》，呢個時候鏡頭就影住Eason同霆鋒，雖然霆鋒冇份唱，不過見佢不時甜笑望住王菲，個樣真系冧到一個點，期間Eason不停向後挨搵背脊撞霆鋒，示意霆鋒同王菲合唱，唔知系咪有鏡頭影住，霆鋒好決絕唔肯開金口，仲坐過一個位唔畀Eason撞佢。

雖然霆鋒就未有同王菲合唱，但系佢最後都有獻聲，就系同陳奕迅合唱佢哋唱過嘅英文金曲《Better Man》。

袁偉豪撐黃智雯攞視後：可以上岸唔使做

藝人袁偉豪到觀塘宣傳新劇《三個女人一個「因」》，講到劇集口碑不俗，他坦言感到開心：「都好戥黃智雯開心，因為佢真系付出咗好多，有三個人格畀佢發揮，我都老懷安慰。」

對於有網友捧黃智雯做今年視後，袁偉豪說：「我都好支持佢，我同佢拍嗰時都同佢講拍完可以息影，可以享福，上岸唔使做。佢好厲害，開工有幾個人呈現我眼前，我感受到同唔同人演緊戲。好多劇本冇寫，我哋現場發揮，令故事精彩啲。」

爆響口？陳敏之暗示唐文龍同36D咪神已分手

藝人陳敏之出席理財活動並擔任司儀，投資開資曲奇餅店的她自言對投資略有心得，認為無論小孩及大人都應該有儲蓄習慣。問到有否為囝囝「雷冬至」儲錢？她表示有為囝囝買基金，還有儲起他生日及新年收到的利是：「由一出世我已經有幫佢儲起，囝囝好犀利，有時同佢出event，佢賺到嘅錢已經夠交playgroup學費，同一年保險費，系小富翁，哈哈！」

談到在劇集《溏心風暴3》的拍檔唐文龍與無線36D咪神黃文意的緋聞，陳敏之表示有留意報道：「如果佢有拖拍好開心，系適婚年齡。我有send message恭喜佢，但佢話系好耐之前。（即系已經分咗手？）佢話好耐之前，我冇再追問，唔想咁八卦。（想佢快啲搵個伴？）咁梗系啦！佢大過我，應該快啲結婚、生BB，佢鍾意打功夫、做運動，可以同佢玩。」

鍾嘉欣承認再有喜　宣布離開無線安心養胎

早前報道鍾嘉欣懷上第二胎，今日鍾嘉欣開腔親口承認有喜，她發表一張家庭照及長文表示與TVB合約已經屆滿，現階段只會有限度接工作，家人都希望佢好好安胎，佢又多謝TVB十三年的栽培，更點名多謝樂易玲及曾勵珍等等提拔過佢嘅人。

嘉欣接受訪問時，大方承認已佗B三個月，又直指今次佗B比上次辛苦好多，害喜反應厲害，不過佢都一樣覺得好開心：「好多謝所有媒體朋友關心我同咁錫住我。其實今次可以再次懷孕真系好開心！但系今次佗B就比較辛苦，同之前佗Kelly系好唔同，今次嘅反應系強烈好多，系攰好多，同害喜反應系好犀利，成日都嘔同想作嘔，但anyways，都系一件好開心嘅事，我亦都明白呢個系一個必經階段，好多謝大家嘅祝福，好希望可以再見到大家。」而嘉欣又叫囡囡Kelly錄音講多謝，真系Cute到暈！

鍾嘉欣社交網原文：

「『雖然還未看見您，但我們知道，您是神再次送給我們一家人的，我們一定會好好珍惜您??』

親愛的朋友和粉絲們：要和大家分享一個喜悅：我再次懷孕了！

感恩上天再次給我們為人父母的機會，就連Kelly知道後，也為自己快將成為姐姐而高興大叫：「Wow！」 向大家宣布這開心事之前，其實，我和TVB的合約剛屆滿。面對著很多很多的不舍，但家人希望目前這段時間的我，專心和安心的去迎接家庭新成員。所以，暫時只會有限量和享受工作，待新成員出世之後，再和大家見面、努力去賺奶粉錢。Haha ～～～ 在此我特別要衷心感謝TVB多年來對我的支持和體諒。記得當年只有19歲的我，膽粗粗參加了《國際華裔小姐》比賽而入了行，當時甚麼都不懂、全無自信心、極害羞，是TVB這所安全屋為我遮風擋雨、供書教學，給我時間和機會去成長和磨練，讓我了解到自己是一個怎樣的人、有著甚麼才藝、有著甚麼使命，更令我可放膽在人前表現真我、懂得怎與觀眾溝通。

這十三年的經歷，對於我的人生是非常重要的，從中的堅持和努力，令我更加學懂去愛人、去關心別人，人也成熟了。現在，暫且跳出舒適圈??但心存感激的。TVB，是您成就了今天的『鍾嘉欣』。 樂小姐：您一直保護我。 很多時候，您說我太乖太單純，不想有任何東西把我教壞、影響我的形象。您就像媽媽般疼我、愛護我。謝謝您！

珍姐：您給我第一個演出機會：《皆大歡喜》。 當其他人對我仍有懷疑的時候，您卻選擇相信當日我這個新人。您給我的試煉和推動，讓我達至一個就連自己也想像不到的極限。 謝謝您！Herman哥：是您圓滿了我的歌唱夢，給予很多我很喜歡的歌曲，更一直從旁引導我。謝謝您！ Sandy：我們沒有很長的合作時間，但我也衷心謝謝您在這短短的幾年間，讓我參與了很多綜藝節目，令觀眾認識到鍾嘉欣的另一面。 謝謝您！

最後，非常感謝TVB其他上上下下的工作人員， 沒有您們用心和支持的打造「鍾嘉欣」，我不會是今天的「鍾嘉欣」！ 送上永遠的感激！衷心祝福TVB這個大家庭內的每一位！今天暫別，但感覺會很快再遇上。

lovelovelove 愛您們的 -L- 鍾嘉欣」

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 HKChannel 的精彩文章: