簡慕華做足17年 離巢北上搵機會

【翻生武林】簡慕華離巢北上搵機會：只要自己有價值就有人需要你

本文轉自網路 不代表本號觀點

《翻生武林》入面簡慕華（Rachel）飾演蕭正楠的姊姊，大家都驚嘆已經41歲的她竟然可以保持得如此好，甚至靚過不少TVB現役花旦。不過大家日後會好少見到佢喇，事關其實在上年拍完《超時空男臣》後，她便已經完約離巢，休息了接近1年的時間，直到《翻生武林》播出後大家又突然醒起，究竟簡慕華呢位靚女離開TVB後去咗邊呢？

簡慕華真系好靚。（電視畫面）

Rachel在接受媒體訪問時，表示自己已經開始復工，跟內地傾緊一些合作計劃，其中更包括戚其義在內地籌備的新劇集，這套傳聞是第二輯《天與地》的製作，已經有佘詩曼、陳豪以及黃德斌確定參演，卡士十分強勁。而Rachel更是戚其義的愛將，在多部他監製的劇集也會用上Rachel，可算是亦師亦友。

Rachel跟戚其義（上排中間）好老友。（網上圖片）

今次離開做了17年的TVB，可以說是正式跳出舒適圈，事關在TVB樹大好遮蔭，也是年年幾部劇十分穩定。今次決定北上發展，在內地未必有很大的知名度，隨時愈做愈霉。簡慕華也明白這一點，也作出了這個很大的決定，她說：「做咩行業都系，做咗一間公司咁耐，當你決定離開，真系好似去咗個大海。要有膽踏出呢一步先可以睇到出面嘅世界，我想趁住自己仲有呢個膽量去踏出呢一步，與其諗得太多，不過就唔好理喇，乜都當由頭做起，我會當無人識我咁開始去嘗試，如果乜都好驚就永遠都唔會有一個新嘅你，我好想去追求一個更加新嘅我，或是系唔同嘅我。」

她形容今次是游出大海，希望在驚濤駭浪下可以搵到個好碼頭吧。（Facebook圖片）

談到離開TVB會否怕自己的事業從此下滑，Rachel表示從不會向這方面去諗，更對自己的決定充滿信心：「緊系唔會後悔，行咗決定咗就唔會望返轉頭，永遠我都覺得向前看好過回望。我會覺得呢個世界充滿希望去行自己嘅人生，咁先會開心，人要朝住夢想進發，夢想唔會停喺以前，永遠向前看就會好。」她也表示在哪裡或哪一間機構工作都無所謂，只要自己有價值，自然會有需要你的地方。「我個目標系愈來愈好，希望自己價值高啲，對自己有要求想去進步，當有一日就算舊公司或者邊度都好，想我同佢合作都可以?，無話因為我去咗邊度而唔可以再合作。反而我會諗我自己仲可唔可以帶到好嘅嘢俾觀眾或者自己，唔會去諗太多，純粹想增值自己。」很多藝人離開TVB後都能夠在內地創出一片天，希望Rachel也能夠成為其中一份子。

大家好快可以在內地劇見到她的演出。（Facebook圖片）

簡慕華上年4月男友結婚，由於老公是圈外人，所以Rachel一直沒有高調拍拖，亦為了尊重老公所以不會多談他們之間的事。不過她表示跟老公已經相識了一段日子，亦是經過深思熟慮下才結婚，絕對不是閃婚。在2017年是簡慕華的人生轉捩點，她形容一切都是「咁啱」，她說：「咁啱同TVB完約，咁啱想轉環境，咁啱結咗婚，其實結婚唔需要分時間，只要大家合適，環境許可就可以。」希望Rachel除了事業繼續挑戰自己，也可以一直幸福下去。

睇佢同老公笑得幾開心。（微博圖片）

---------------------------------

喜歡這篇文章嗎？立刻分享出去讓更多人知道吧！