謝安琪41歲生日孖好友同事食到盡，張繼聰請飲奶慶祝

天后謝安琪（Kay）昨日3月13日41歲生日，接受訪問時，她表示正日通常都留在家，所以昨晚上工人姐姐就炮製了個印尼大餐給她食，她謂：「嗰座山系黃姜飯，系印尼傳統，系啲祝福，佢哋又好好，用蔬菜雕曬花，好多裝飾，全部都食得，好有心機，好靚！因為佢哋知道我最鐘意食蔬菜、生果、飯，所以呢餐好完美！」而其他朋友就在這幾日陸續到大埔找她食下午茶，有些又帶同小朋友前來，她亦笑言有與朋友聯誼打牌慶祝，贏了20元。而公司同事就上星期與她食飯慶祝，上年加盟麥浚龍公司的她亦謂今年是首年與對方慶祝：「公司同事繼續秉承好有愛，好似一家人，好幸福，工作夥伴好錫我，我成日都遇到心地好好嘅人，好感恩。」

叫大家唔使買禮物

講到生日願望，今年41歲的她笑言今年是人生下半場正式開始：「當我自己有80歲命，我都仲有一半時間慢慢玩，祈求健康，有平衡、平靜嘅心境去繼續人生旅程。」問到老公張繼聰送了甚麼禮物給她？她謂：「因為佢不嬲送嗰啲禮物都欠缺心水，成日都唔系咁準確，所以我叫咗佢唔好再買禮物畀我，同埋近年我都呼籲大家唔好買禮物畀我，我得到大家咁多愛同支持已經好幸福，所以每年生日我收到最多嘅系歌迷用我個名去捐款，佢哋會攞番收據，喺上面寫啲祝福語送畀我，又環保同唔使咁多繁文縟節，有時佢哋再環保啲，系直頭WhatsApp或喺社交平台畀我，我就最開心。」

阿聰請飲奶講笑話

她續謂故阿聰今年送了個笑話給她，笑言：「佢搞咗個笑氹我開心，都幾搞笑?，我好滿意！」Kay今日下午就在社交網發文，上載一張與阿聰的對話圖，原來是阿聰傳了一張營養奶的相片給她，Sweet爆叫她做「Honey」，並謂：「請你飲，等你個人飄啲。」阿Kay又衷心感謝大家對她的祝福！

本期特惠精選

喜歡這篇文章嗎？立刻分享出去讓更多人知道吧！