17年後再合作，古天樂林峯宣萱原班人馬開拍尋秦記！
2000年播映的劇集《尋秦記》，簡直系一代人的回憶，由一眾主角古天樂、宣萱、林峯、郭羨妮，到首主題曲「天命最高～～」樣樣都系經典，亦都系古天樂心目中的最愛。
如今最期待的畫面終於出現，《尋秦記》電影版落實開拍，雖然今日曝光的先導海報，跟上年見街的依舊，但最吸引系今次宣布埋主角名單。
早前古仔的經理人暗中籤下林峯及宣萱的藝人合約，似要為《尋秦記》電影版集齊人腳做好準備。結果一如所料，今日向外公布的主角名單，便聲稱由原班人馬古天樂、林峯及宣萱擔任主角，真系一聽回憶就返曬嚟。
至於導演就系新晉的黎震龍，他曾在《殺破狼2》、《單身男女2》及《掃毒》擔任副導演，經驗豐富。據知電影最快會在今年底開拍，萬事俱備，只欠檔期。
三大主角都集齊，系咪就滿足到一眾「尋迷」的要求呢？當電影版消息一出，網民就針對「原班人馬」呢個賣點，希望唔止三位主角齊腳，最好一眾配角都齊齊整整登場。而眾多配角中，你又最想邊位可以出現呢？
連晉／嫪毐 江華
一套劇點可以冇歹角，而《尋秦記》的最重要歹角就一定系由江華飾演的連晉，後來被逐出巨鹿候府，後來右手更被項少龍所廢，要忍辱負重向左手神劍劍客嫪毐練左手劍法。最奸系，學成後索性將對方殺死，自己改名換姓成為嫪毐。呢個角色江華演得非常入血，嗰種不可一世及傲氣，令佢折墮時更加好睇。不過作為電影版又好難叫番江華演，搵劉華又得唔得？橫掂動靜都一樣。
琴清 郭羨妮
郭羨妮在劇中要一人分飾兩角，不過現代版的秦青，出咗一集就冇下文，隨後就由琴清身份現身，在秦代滿足項少龍對女朋友的思念，最後更同宣萱飾演的烏廷芳兩女共侍一夫，享齊人之福。其實要搵郭羨妮重演角色都唔難，不過須知道合拍片就系要預留一啲角色俾內地演員參與，要讓出琴清一角都唔奇。
趙國公主趙倩 雪兒
雪兒跟古仔在《創世紀II》已經有合作，連帶去到《尋秦記》飾演一對。二人原來有段美好姻緣，可以共偕連理，但就因為得知連晉計劃殺害項少龍的秘密，而慘遭滅口。雖然雪兒早就退出影壇，但古天樂上年就主動搵番呢位老朋友出來，在《殺破狼 ? 貪狼》中亮相，即使戲份唔多，不過已經凡事都有可能，只要古生出句聲，齊章話咁易。
陶總管 歐瑞偉
其實《尋秦記》中，有一個角色都非常重要，就系聽命烏廷芳，經常跟項少龍一齊的陶總管。角色本來一臉正經，但每當項少龍講出一啲現代說話時，佢會好認真咁學習嘅樣，真系非常好有喜感。
對於有冇機會原班人馬上陣，記者就致電歐瑞偉查問，KC表示未有收到通知︰「如果有份就最好啦，哈哈……我都想再做多次陶總管，呢個角色自己都好鍾意，咁大嘅製作系演員都想啦！」希望古生聽到呢番話，等陶總管都有機會殺入大銀幕啦！
請大家踴躍留言，也歡迎大家轉發到朋友圈哦！
TAG:HKChannel |