澳門洗米華今次竟然唔喺主角！《搶米風雲》番外篇——靚模松岡有新歡！

唔知大家仲記唔記得舊年6月份

畀洗米華一攬成名疑似做「小四」嘅日模

「 松岡李那」

當時緋聞搞到沸沸揚揚

不過佢自稱洗米華只喺當佢小妹妹

擁有33C蜜桃胸嘅松岡

同拍拖三年嘅林德信分手後

異性緣依然旺盛

最近又有新仔登場！

佢秘密搭上任職銀行家的「台灣雞扒男」

Eddie

而新歡Eddie愛好健身

操到滿身肌肉

胸前兩塊

「雞扒」勁過羅仲謙

仲有一對幾乎粗過松岡大髀嘅

麒麟臂！！

仲喺余文樂婚禮兄弟團成員之一！！

今次真喺

又fit又多米

小Pe睇到都十月芥菜

等小Pe同大家講下兩人嘅「通電」過程喇

手仔掂手仔

日前淩晨2點

臉頰通紅嘅松岡

同「巨胸」Eddie現身跑馬地街頭

邊行邊傾喺附近便利店

兩人站在門外繼續吹水

之後又頭貼頭咁玩手機

Eddie氹到松岡不時露出甜美笑容

玩得興起

松岡索性拎埋對方部手提自己玩

睇嚟喺玩得好開心

身邊嘅Eddie見松岡玩咁投入而感到興奮

動作多多，更緊張得緊扣雙手！

全程望住松岡笑騎騎咁

之後當松岡將部手提交返畀佢嘅時候

......

Eddie嘅手

竟然唔覺意咁觸碰到松岡對玉手！！

（Eddie：我真喺唔小心嘎！）

臨門「撻Q」送安慰獎

其後，兩人一齊到便利店購物

當松岡喺雜誌架前揀書時

Eddie全程陪伴左右，寸步不離

隨後松岡買咗本雜誌兩

人一齊行到附近嘅街頭等的士

由於當時下著微微細雨

體貼嘅Eddie唔想松岡整濕身

示意叫佢企喺有瓦遮頭嘅地方等

然後自己走出街頭截車

Eddie護送松岡返回駱克道寓所樓下

仲幫佢開定車門，盡顯紳士風度！

兩人落車後

松岡突然示意自己上樓，唔需要Eddie護送

慘食檸檬嘅Eddie雖然臨門一腳「撻Q」

但喺卻獲松岡送上「安慰獎」——

『輕輕碰一碰膊頭』

松岡隨即單拖轉身上樓

而Eddie就原的士折返跑馬地

睇嚟喺一段新嘅感情啱啱開始

洗米華今次又冇料到啦

松岡同新歡Eddie

小Pe表示好期待吖哈哈哈！

（本文圖片分享自網路）

「近期熱帖速遞」

喜歡這篇文章嗎？立刻分享出去讓更多人知道吧！