TVB新劇《棟仁的時光》宣傳！袁偉豪、林子善親吻假戲真做

藝人袁偉豪、唐詩詠、朱晨麗（朱朱）、林子善等為無綫新劇《棟仁的時光》宣傳，為配合劇情，眾演員也作狀扮咀，惟袁偉豪與子善扮咀時，詩詠與朱朱硬把兩人頭黐埋，變相令他們上演hehe咀嘴，結果二人順應要求連咀三次。而活動中途開始下雨，令眾星要拎住雨傘受訪，狼狽非常。

對於與子善咀嘴，袁偉豪笑指非首次，他謂：「劇入面我要咀好多人，起碼十個以上，包括男仔，子善亦系其中一個，佢仲有贊我個嘴唇軟綿綿，識得太耐嘞！都預咗佢頭先隊個嘴埋嚟。」

被取笑屆時要禁止女友張寶兒觀看，袁偉豪笑指不介意全家一起觀賞，在旁的詩詠聞言謂：「咁一路咀一路睇啰！」更指劇中咀戲不太多，笑指辛苦了拍檔袁偉豪。

兄弟團似G4特工

談到有指林子善婚宴當晚，兄弟之一鄭嘉穎與導演發生爭執，亦是兄弟團之一的詩詠謂：「冇唔開心事發生。（你哋醉咗唔知呀！）我哋冇醉，覺得好開心添，嘉穎個樣唔笑以為佢黑面啫！其實佢好落力做咗好多嘢，好乖咁迎賓同招呼賓客。」

袁偉豪就謂：「我都唔知有呢件事發生，嗰晚我哋好似G4特工咁，戴曬耳機去處理場面。」對於子善踢爆馬國明以茶代酒，詩詠即力撐對方謂：「唔系，佢好犀利有飲?！最少三杯啰！」

喜歡這篇文章嗎？立刻分享出去讓更多人知道吧！