陳煒預告再有床戲，大爆黃光亮在後台觸摸她腿部！

藝人陳煒身穿露肩連身裙輕露線頭出席無綫劇《果欄中的江湖大嫂》宣傳活動，談及衣著性感，她笑言只是普通嘢。問對《果》劇結局收視有甚麼期望，她坦言望見到三字頭。

陳煒在劇中向來與岑麗香關係好，她透露會在結局篇與對方關係決裂，會搬到袁文傑屋企住，問可有親熱鏡頭？

她說：「會有啲喺床上發生，之前有幕除剩條睡裙色誘佢，睇番先知原來咁勁。（嚟緊有冇咁勁？）唔記得啦！大家睇啦。（大家咁熟有冇尷尬？）冇，點會尷尬。」

陳煒又大爆黃光亮剛剛在後台無故觸摸她的腿部：「問佢摸我只腳做咩啫，佢話我一啲反應都冇，證明唔過電，我咪鬧佢。（佢都夠膽鬧？）佢樣惡啫，佢話最怕女人。」

此外，她表示拍攝無綫新劇《危城First Lady》拍到今早5點，稍後活動結束便要再開工，直言感到疲累，又指天氣忽冷忽熱會容易病，故會服用補品增強抵抗力。

喜歡這篇文章嗎？立刻分享出去讓更多人知道吧！