陳凱琳向江若琳取經籌備婚禮！同鄭嘉穎好事近

陳凱琳日前同江若琳、田蕊妮一齊出席護膚品牌活動，期間見佢同江若琳特別好傾，不時咬耳仔密密斟，問陳凱琳系咪向正籌備婚禮中嘅江若琳取經？佢笑言：「我有關心佢的個婚禮嘅野，知系12月23號舉行！」

陳凱琳話今次同江若琳系第一次見面，所以特別多野傾：「我本身都識Oscar(江若琳未婚夫蕭潤邦)，之前探班Oscar都有送小籠包嚟請大家食。我有關心佢的個婚禮，知系12月23號舉行，同埋知佢開左間麵店。」而問佢會唔會喺男友鄭嘉穎面前素顏，佢就話：「睇場合啦，我出街出騷就會化妝，平時喺屋企會簡單啲素顏。」

陳凱琳直言有八卦江若琳點樣籌備婚禮。

陳凱琳同鄭嘉穎拍拖三年，唔知幾時好事近？

而江若琳就話自己對婚禮其實冇乜計劃：「因為每日都變緊，女人嘅野五時花六時變，好在都有朋友幫手做決定。緣分到時，婚禮到啦！」問佢揀左婚紗未？佢表示：「我有選擇困難症，所以揀左好多條裙，有5至6套，不過之後都會留番畀造型師再去篩選。」

江若琳話自己有選擇困難症，所以現時已經為婚禮揀左5、6套婚紗。

講到新開嘅麵店，江若琳指未婚夫蕭潤邦最近玩即興試業：「好在夜市都坐爆，同埋都有人喺舖頭出面排隊。」

除左陳凱琳同江若琳外，幸福靚太田蕊妮都有份出席活動，問到佢老公杜汶澤攞唔到金像獎有冇失望？佢話：「我諗我失望多啲，因為我比較緊張，宣布時我仲捉住佢隻手！」佢又指最近正忙於錄新碟，不過因為聲帶問題令進度有啲延誤：「可能我有時拍戲太激動，令聲帶有少少變厚左，醫生要我一個月唔好講野，對我嚟講真系冇可能，所以我冇理到佢。不過我依家會溫柔啲咁講野，因為要養聲。」

田蕊妮指新碟系Hi-Fi靚聲碟，當中有10首廣東歌，其中7首系翻唱男歌手嘅歌曲，另外3首就系新歌。

喜歡這篇文章嗎？立刻分享出去讓更多人知道吧！