街頭爆屎渠！喺澳門食個「厚多士」竟然遇上「好多屎」？

相信大家經過噚日嘅一場大雨

今日已經覺得涼爽咗唔少

無奈一場暴雨過後

再次暴露自咗舊年颱「天鴿」襲澳後

下水道不堪重負嘅嚴重弊病！

咪以為今次只喺倒灌海水咁碎料！

NO NO NO！

喺屎水！！！

澳門勁聞

今次爆屎渠影響到羅利老馬路、賈伯樂提督街，十幾間鋪頭慘遭屎水倒灌！

客人走曬！嚴重影響生意！仲要清洗令人嘔心嘅店面。

有鋪頭老闆表示：「附近嘅渠道經常有問題，一個月就要通一次，真喺捻唔到一場雨就可以大爆屎渠！」

！！！

以下圖片會令人不適

食緊飯同準備食飯嘅你請謹慎！！

如果你要減肥就繼續睇（哈哈）

賈伯樂提督街嘅一段路口

臭氣沖天，睇到都得人驚！

一大堆啡黃色嘅混合物佈滿街道

跟住雨水四處漂浮

鋪頭老闆沒有一點點防備（無語）

連路人都頂唔緊，喇喇聲走佬

賣衫嘅鋪頭亦都大受影響，擔心啲衫會有陣味

「厚多士」變「好多屎」？？

最慘喺一間以「厚多士」出門嘅茶餐廳，當時食客們仲enjoy緊美味「厚多士」嘅時候，點知一大堆「好多屎」湧入嚟！嚇到佢哋企曬凳度，今次真喺「好多屎」喇！

茶餐廳老闆一睇到唔對路，即刻免單疏散人群，錢又賺唔到，仲要清理呢一堆「蘇州屎」...

其實老闆話之前已經向民政總署反應過問題，但喺一直都冇得到回應，今次嘅損失仲點算緊，希望當局可以正視今次嘅事。

今次「好多屎」事件

民署出動咗強力泵車足足用咗3粒鐘先至搞乾淨！

民署表示：因為渠口淤塞，加上沙井積聚咗油脂先至導致今次爆渠事件。其他原因有待進一步嘅調查。

澳門

就喺一個遍地「黃金」嘅地方

一唔小心，就會畀個「surprise」你

今次事件亦都提醒澳門市民

唔好將垃圾廚餘亂倒入渠道！

其實澳門地下渠網好多地區都有問題

一樣都喺塞塞塞

只喺等待一個時間點爆發

希望有關部門可以提前做好預防工作

而唔喺揸住「有事就整，冇事懶理」嘅態度

「好多屎」事件，你又點睇？？

（本文圖片分享自網路）

「近期熱帖速遞」

喜歡這篇文章嗎？立刻分享出去讓更多人知道吧！