王浩信陳自瑤再曝婚姻危機？洪永城唐詩詠同場遭隔離蘇韻姿力谷《愛·回家》

罕有同框賀陳敏之老公生日，企到隔座山咁遠

藝人王浩信早前就傳同太太陳自瑤（Yoyo）婚姻亮起紅燈，兩人一直都否認傳聞，但亦都好少見到二人再喺社交網「合體」放閃。不過，陳敏之就喺社交網上載為老公William慶生照，見到好友黃長興夫婦、梁烈唯夫婦同蕭正楠都有出現，而當中仲見到Yoyo同浩信罕有「同框」，但系相中見到佢哋都各自分開企，令網民紛紛猜想佢哋嘅依家關係系點，仲話分得咁遠似乎有啲嘢?！

幾時結婚？Cheronna黃奕晨搵到平衡點

組合Super Girls成員Cheronna最近推出首支個人跳唱單曲《把持》，她謂與男友黃奕晨都是直接的人，開心或不開心都會攤出來講：「其實我系慣性將唔開心或壓力Hold Back（抑制），但佢教曉我有咩唔鍾意就直接講。」

兩人經常放閃，但也有吵架時候，她坦言：「女仔好鍾意亂諗嘢，我會亂諗嘢到瞓唔到覺，但又唔夠膽夜晚打畀佢嘈醒佢，到我講番個問題出嚟畀佢聽，佢就會話好小事啫，唔好亂諗，話有咩咪同佢講，佢會解釋清楚。（為咗咩事？佢同其他女仔好Close？）系有咁樣嘅時候出現過，我曾經系有收埋，唔鍾意但唔出聲，但原來唔講出嚟佢會覺得『你系咪對我唔認真』，終於經過好多次理性討論，大家有個共識，例如我覺得佢同呢個女仔太Close，我唔鍾意，佢就會『ok，知道』，有時啲嘢可能系我太Sensitive（敏感），佢會話其實唔系我咁諗，我都會自我反省，其實系普通男女嘢。」

無線為賺錢招招新奇，將推出網店讓粉絲網購藝人物品，眾藝員為「錢」途各出奇謀，湯洛雯無本生利出賣「女神」口水尾、「鴨王」何浩文則「賣身」做PTBF（Part Time男友），更揚言會提供「全套服務」，楊明則「重口味」以好兄弟的泳褲搶客。

無線近六十位藝員馬國明、洪永城、楊明、何浩文、袁文傑、唐詩詠、朱晨麗、陳凱琳、馮盈盈、湯洛雯及楊秀惠等昨日在將軍澳電視城出席big big channel記者會。除了推出新界面，並將有新功能「big big shop」讓粉絲網購藝人物品及於「唱K專區」與藝人對唱。

楊明出賣兄弟重口味

最令一眾藝員興奮的是可以過老闆癮的「big big shop」，數口最精是無本生利打算賣「口水尾」的湯洛雯，她笑說：「諗住賣《學是學非》班女神食過嘅嘢、用過嘅紙巾！」「鴨王」何浩文則打算出租自己：「我會賣自己做Part Time男友開直播拍拖，可以整個『韓劇的一天』套餐，包壁咚同埋浪漫情節。」而楊明則「重口味」地出賣兄弟，打算出售王浩信、伍允龍、梁烈唯著過的泳褲，並笑說：「仲會賣用過嘅牙籤，鍾意重口味可以加榴槤、蒜頭味。」而最近在《棟仁的時光》大跳鋼管舞的朱晨麗打算出售舞衣，林穎彤則有意賣唇膏送唇印，馮盈盈更揚言賣「套」：「拍《白色強人》每日都消耗好多手套、口罩，將呢啲血淋淋嘅手套賣畀觀眾留念。」

分到勁開！洪永城唐詩詠同場遭隔離

過氣情侶洪永城與唐詩詠在將軍澳電視城出席「big big channel」記者會，兩人雖然再三否認翻撻，但依然成為焦點，無線安排兩人分開上台和坐到離行離列，兩人全程沒傾偈，更分開訪問及拍照，話題性十足。

唐詩詠受訪表示是公司安排，不覺得被公司擺上枱，同場也不會尷尬。洪永城則表示到場後便一直工作，沒有機會傾偈和打招呼，但直言他們的關係不是大家想像中的那麼尷尬。

經常周遊列國拍攝旅遊節目的洪永城則指會搜羅各地獨特物品在big big shop出售，他笑說：「我會賣南極企鵝屎、亞馬遜嘅草、甲蟲屍體。」

歌手鄭欣宜（Joyce）首個紅館演唱會圓滿結束兼大獲好評，呢日佢就約埋成班朋友游水慶祝。佢喺IG story上載游水短片，見佢哋一行人清一色以「黑白間條」泳衣上陣，相當有默契！而向來擁有勁爆身材嘅Joyce，著上超低胸泳衣大騷「巨峰」，仲戴埋眼鏡化身「眼鏡娘」，大玩另類誘惑，認真蠱惑！之後，Joyce仲坐喺池邊曬太陽，仲邊嘆住特飲邊玩自拍添！

無線將於五月以嶄新形式，鼓勵旗下藝人積極於各大社交平台上宣傳參演的劇集，並會統計藝人宣傳片段的總瀏覽人數，宣傳量最高的劇集會獲得10萬港元給台前幕後食飯慶祝。有份於《愛·回家之開心速遞》演出的蘇韻姿受訪時表示會更加落力整理網上平台：「平時屋企人都好支持我，連我媽咪唔識用電腦都整咗個big big channel賬戶支持我。相信佢哋會更加踴躍分享同贊我啲嘢。」

而《宮心計2深宮計》主角之一的蕭正楠稱會努力宣傳劇集，更笑謂：「套劇好多靚女，必定會吸引網民注意，所以今次獎金系自在必得。依家系煩緊食乜。」