《格林美音樂節》北京站謝霆鋒rock爆登場連唱6首歌，陳偉霆狂秀肌肉

霆鋒由今年初起，多次回歸歌手身份拎起結他表演。

被譽為音樂界「奧斯卡」嘅美國音樂界盛事「格林美音樂節」，4月30日首次喺北京舉辦，有份上台表演嘅都系國際級音樂人，好似格林美獲獎者Daya、Macy Gray、樂隊Phoenix、曾獲格林美獎提名的Carly Rae Jepsen、樂隊OneRepublic，最勁嘅當然系十一次獲得格林美獎的Pharrell Williams。而最近勤練結他練到手指起曬繭、搞到開唔到屋企指紋鎖要用腳趾紋開門嘅謝霆鋒，連同陳偉霆（William）就成為今次音樂節嘅亞洲華人代表出席，同一班世界級音樂人同台獻技。

為左參與呢次盛事，霆鋒提早到場綵排。

輪到霆鋒表演環節，雖然台上嘅led wall只系打出霆鋒嘅名，但台下三萬個觀眾已經嗌爆喉嚨，然後八人樂隊出場，戴住超嘅霆鋒走到台前，以《玉蝴蝶》打開序幕，聽到音樂前奏，全場立即high爆！

唱完後佢就同大家打招呼：「Hello Beijing！」然後便唱出最新派台歌《放肆》、《因為愛所以愛》之後嘅一段結他solo更令fans進入瘋狂狀態，隨後唱出《異想天開》同經典歌《謝謝你的愛1999》，當大家以為唱完時候，霆鋒又嚟一段《活著VIVA》嘅結他solo，一句：「一起動起來！」將氣氛推至高潮！

緊接住就系William同dancer又跳又唱《女皇》，跳到興起，原本著住長袖外套嘅William除剩件黑色背心，大曬結實嘅麒麟臂同若隱若現嘅胸肌，fans見到即刻瘋狂尖叫，而William亦都好貼心，為左照顧唔同方位嘅fans，佢由原本嘅主舞台走到去另一舞台，大唱《loveU2》，fans們當堂冧豬曬。

最後，William同大班dancer跳唱《W企劃》，佢仲話：「其實中國不缺頂尖的舞者。」

喜歡這篇文章嗎？立刻分享出去讓更多人知道吧！