HeHe定父女戀？賤男Nic唐文龍怪自己太奄尖！

喺《溏心3》，唐文龍系賤男Nic，同陳敏之有連場出軌情慾戲。但現實中，文龍真系絕頂好男人，唔少人都贊唐文龍高大靚仔、身材健碩、成熟穩重.....有美國綠卡，曾於紐約流行設計學院Fashion Institute of Technology攻讀女裝設計藝術學士，就連緋聞情人劉永健都贊佢系「暖男」。

咁嘅條件，但唐文龍到咗48歲都系冇女朋友，究竟衰乜呢？唐文龍日前接受專訪時，自爆三大「死因」﹕

一.太奄尖
二.窮
三.事業心太重

唐文龍輕嘆﹕「我唔系enjoy一個人，系習慣一個人。again，唔排除有好緣份，但唔會刻意追求。」

唐文龍傳完同劉永健hehe，又傳與黃文意搞父女戀，似乎冇一段正常關係。佢扁曬嘴咁話﹕「都怪自己奄尖啦，以前喺內地有個女朋友，但成日兩邊跑，自己喺大陸建立咗工作基礎，但香港又想有，唔容易認識一個人配合到我，又要乎合我奄尖嘅條件，咁不如清清地先。」

寧願傳hehe定小妹妹？文龍好無奈咁話﹕「冇得寧唔寧願，唔想對文意咁，平復咗唔想欺負佢。(一齊慶祝生日，真系冇拍過拖？)冇，正常朋友，正常去大嶼山，正常食飯，有啲人話掩眼法，大家在心中知道啦。而永健系洪拳師傅個仔，唔使解釋。」

唐文龍喺娛樂圈逾20年，跌多過起，住過劏房，幾年前銀行戶口都系得4位數，亦曾經被女仔嫌窮。但佢話窮都要窮得有骨氣，「因為我自尊心好強，同女仔出街我一定要俾錢。如果我結識一個好有錢，都要跟我去食茶餐廳，唔系強迫人配合我，但同樣唔系要黐佢，我唔系咁嘅人。」佢直言父母一直有催婚，佢尷尬咁話﹕「哥哥都系兩、三年前結婚(自己笑咗)，依家都未有小朋友，老人家梗系想抱孫啦，我都鍾意小朋友，但都擔心自己無命生。(家燕姐想撮合你同佘詩曼喎？)哈哈，大家系好兄弟好朋友，佢仲系我兄弟嘅緋聞女友，總之佢份人真系好nice。」

?來源網路

? 商務QQ：3004269083

喜歡這篇文章嗎？立刻分享出去讓更多人知道吧！