宣萱與古天樂合作無間，期待拍攝《尋秦記》

宣萱和古天樂一起出席珠寶活動，佩戴名貴珠寶的宣萱直言好重。

宣萱和古天樂今日孖住出席一個珠寶活動，宣萱以一襲香檳色弔帶長裙現身，佩戴名貴首飾的她顯得高貴又優雅。自從簽約古仔公司之後，兩人多了好多機會合作，而宣萱都好放心將工作交給公司安排：「咁而家佢系公司嘅老闆，合作上我都冇乜點理嘅，其實通常佢幫我安排做乜嘢我都會欣然接受去做，因為佢哋好pro嘅，即系會識得去安排，工作上幫我安排得好好，咁變咗我唔需要話好擔心叫我出席任何嘢啰。」宣萱和古仔friend足二十幾年，當然合作無間喇。

以往宣萱和古仔合作的經典劇集就令人回味無窮，大家都好想再見到兩位一起拍戲，而多數出演電視劇的宣萱，現在亦開始進攻大熒幕，和古仔一起拍電影，今年就會有兩套呀：「我哋第一套系《犯罪現場》啦，咁嗰套佢哋就嚟開拍嘅，我同佢嗰段戲就會8月先至拍，咁另外就《尋秦記》啦，呢個就會大製作喇，咁應該就10月、11月咁上下開工。」不知道兩位又會擦出什麼樣的火花呢？

自從古仔宣布開拍電影版《尋秦記》以後，大家都一直密密關注相關消息，除了一班fans相當期待之外，就連宣萱都不例外：「其實我套套戲都會期待嘅，但《尋秦記》會特別多啲，因為始終系一套經典電視劇嚟嘅。」宣萱透露自己會繼續飾演以前的角色，但未有劇本，所以暫時都不知道是什麼故事，不過宣萱對老友就信心十足：「我相信過得佢嗰關，佢決定開拍，一定系OK嘅。」

現在古仔不止是宣萱的老友，更是她的老闆，不過宣萱就坦言身份的轉變，對兩人並沒有什麼影響，就算多年沒有合作，但同對方拍戲都不會有壓力，依然默契十足添。至於人工方面，宣萱就表示自己並不在乎：「咁冇計嘅，我唔會太focus喺人工嗰方面，即席做完嘢咁佢哋幫我傾嘅嘢，我都好放心佢哋做。」看來宣萱對古仔是百分百信任，所有事情就放手交給公司處理，兩人的交情認真唔話得呀！

宣萱古天樂

喜歡這篇文章嗎？立刻分享出去讓更多人知道吧！