笑爆嘴 新五虎吹水互窒 劉愷威笑基仔：佢好濕

左起：何遠恆﹑劉愷威﹑古巨基﹑古天樂和吳家樂昨晚終於聚首了﹗（大會提供圖片）

「新五虎」深受歡眾及歌迷歡迎。（大會提供圖片）

劉愷威和吳家樂在後台跟基仔合照。（大會提供圖片）

古巨基昨晚在紅館舉行第4場演唱會，捧場嘉賓包括袁文傑﹑黃偉文和鍾舒漫等，而基仔邀請到「新五虎」做嘉賓，古天樂（古仔）﹑吳家樂﹑劉愷威和何遠恆齊齊亮相基仔紅館舞台，全場歡呼。

基仔向觀眾介紹：「今日好難得，上次約得四個差一個，今日幾經辛苦搵齊五個。」古仔上台後就叫兄弟企前少少：「呢個係案發現場位，大家係咪企前少少安全啲。」基仔聞言說：「案發現場就係企前呢個位啦，反而係企番後少少安全。」古仔望著基仔說：「哈！你都好嘢，咁都冇事！堅挺即係堅挺！」

基仔即帶笑反擊：「我『巨肌』嚟吖嘛！」古仔再說：「哦﹗你就係落台個下靠條巨肌撐撐，所以冇事呀？」基仔再說：「係呀，我『動L』 咁彈番轉頭，哈哈哈﹗」吳家樂插嘴： 「唔怪得Lorraine（古太）跟你咁多年啦！」他們的「有味」互窒笑話，令現場笑聲不斷。

接著基仔播出新五虎當年珍貴合照，並叫工作人員拿道具上台，要與他們重影一張一模一樣合照留念，之後基仔落台換衫，留低四虎在台上「吹水」，大講對基仔印象。古仔先說：「基仔好飲得，好識做蛋糕…整餅。好跌得囉，咁都可以繼續撐落去好嘢！」

何遠恆表示基仔是好男人，古仔就帶笑窒他：「咁你即係冇講嘢啦，我最近睇新聞，你同個咩（李）彩華散咗…咪個晚我哋約食飯你冇出現，去咗滾所以散呀？」何遠恆聞言耍手擰頭說：「唔好講呢啲啦。」

輪到劉愷威談基仔印象，他一語道破：「基仔成日好濕，總之好濕啦！」搞到觀眾又狂笑。

喜歡這篇文章嗎？立刻分享出去讓更多人知道吧！