朱千雪大露背現身，期待男友送首飾！

藝人朱千雪以露肩連身長裙出席珠寶拍賣預展，示範三套合共八千萬港元的珠寶，她坦言感到緊張，除價值昂貴，每套首飾都有背後故事：「我依家戴嗰套系獨一無二，整唔見賠都賠唔到，但所有嘢襯得好靚，好開心。」

她表示自己沒有好名貴的首飾，但收過父母在自己大學畢業時送的耳環及手鏈，認為首飾除了價錢之外，還要視乎它的紀念價值：「我哋三姊妹畢業，父母都會送同一Set（首飾）當系紀念，由細到大我對首飾都好尊重，有時放喺保險箱唔捨得戴。（嚟緊畢業會仲名貴？）佢話我咁大個識搵錢叫我自己買。」

問男友有否送過首飾？千雪表示沒有，認為有紀念性的物件應該自己搵錢買，價值會更高：「如果佢送梗系好，但女仔嘅Style點襯自己最清楚，但可以叫佢帶我去揀。（結婚嗰套一定要佢送？）會希望未婚夫送，覺得最緊要有心思去揀。

（考慮自己設計？）有機會都想設計戒指，簡單得嚟好靚，唔一定繫結婚戒指，有時自己戴或送畀人都好。」問到會否期待男友送首飾？她笑言不會特別期待：「可能佢做錯事呢！」

正在進修的千雪透露尚有年半時間畢業，現時忙於準備考試，可以三日唔出街，留在家溫書。問有否搵定暑期工？她說：「有機會都想出嚇活動、拍劇同旅遊節目，自己慣咗讀書同工作，唔想休閑太耐。」

喜歡這篇文章嗎？立刻分享出去讓更多人知道吧！