《深宮計》未過審批網上睇唔到？大陸網民投訴：迫我開翡翠台！

胡定欣喺微博同ig都有貼相，話有個好重要約會……其實都系宣傳嚟，佢系想叫fans睇佢做主角嘅《宮心計2深宮計》。

《宮心計2深宮計》昨晚首播，馬浚偉、胡定欣、黃心穎、馬國明等主演齊集商場，與觀眾齊齊睇第一集，而無線亦與內地網站合作，把劇集同步播出，沒料當網民坐定定等睇劇之際，等了又等也未見劇集上線，結果至劇集播畢也沒有看到半格畫面，有些網友更為了該劇而付費做了會員，故紛紛留言鬧爆該內地網站未有事前通知，並要求有關方面賠錢！

有人估計騰訊冇得播，可能系未交齊文件過唔到審批，但其實之前范冰冰主演嘅《巴清傳》，就曾傳出歪曲歷史，服飾甚至照搬平安時代造型而過唔到審批嘅事件。

有兩位歷史迷睇完《巴清傳》嘅預告片，寫咗封7000字嘅投訴信，指呢套劇除咗歪曲歷史外，更大嘅問題系服裝造型同日本平安時代嘅造型非常似，所以最終過唔到審批。

呢件事連帶影響埋亞視復活，上個月亞視就公布咗，會動用超過2,000萬港元購入《巴清傳》香港播映權，爭贏有意競爭嘅TVB，當時亞視仲希望可以同大陸同步播出。

對於內地網站未能收看《宮》劇，無線節目及製作副總經理杜之克表示內地播放香港或外地劇集需經過審批，內地網站指審批比預期需要少少時間：「佢哋有個安心啲講法，就系處理緊審批嘅阻滯，會追番審批啲時間，希望可以儘快解決。但幾時可以播未有一個確實嘅說法，因為香港同內地做事方式唔同效果同要求，當然好想同步播出。」

問到是否因故事內容問題？杜之克謂自己不熟悉內地的運作，不肯定是關於甚麼問題。至於劇集播出前是否知道內地不能播放？他說：「一直都有同內地網站溝通，佢哋話會追番啲審批時間，但暫時冇進一步消息，畀啲空間佢哋處理。」

GIF

喜歡這篇文章嗎？立刻分享出去讓更多人知道吧！