《深宮計》又系植入式廣告？童星演技令人睇到好心酸！

本賬號為WeMedia旗下媒體

胡定欣眉心花鈿同華為Logo撞到正

隨著《宮心計2深宮計》播出，除了睇劇中複雜的人物關係及權力鬥爭，值得留意就是女演員華麗的唐代妝容。其實唔只系《深宮計》，有好多以唐朝作背景的劇集，包括向海嵐擔正的《楊貴妃》、范冰冰的《武則天》等，劇中見到身為皇族的女角色額頭均貼上花鈿，而唐朝正是使用花鈿的鼎盛朝代。最搞笑嘅系有眼利嘅網民睇trailer時，發現胡定欣額頭上的花鈿竟然好似華為logo，相信應該可能或者唔系植入式廣告嚟(好似系)。

講返「花鈿」，其實系指貼喺兩鬢、眉間、眼尾或者面頰上嘅花型裝飾物，令女士美貌更添動人，系唐朝妝容上嘅特別之處，不過只有妃嬪先可以畫。花鈿嘅顏色主要為紅、綠色同黃色，而形狀方面就好多元化，好似梅花形、桃花形、牛角形、扇形、圓點形等。妃嬪地位越高貴，圖案就會越花巧，同時越大朵嘅花就代表位置越高，有時都會貼上金箔同寶石去突顯其地位，通常都會以黑光紙、魚腮骨、雲母片等材料製作，再以阿膠貼上額頭，卸妝嘅時候用熱水敷一陣即可。好似劉心悠咁，一開始做宮女嘅時候眉心都冇畫任何花鈿，去到變成玲瓏公主之後先畫上花鈿。

咁到底幾時開始有「花鈿」嘅出現呢？其實都有幾個講法，其中一個就系喺公元677年，上官婉兒因為才學過人被武則天提拔，由奴婢「升呢」做機要秘書。之後被武則天發現男寵臣鍾意上官婉兒，所以嬲到揮劍畫花上官婉兒眉心，仲留疤。身為好朋友嘅太平公主喺上官婉兒眉心畫咗朵梅花，令上官婉兒添上幾分嫵媚，令到唐朝盛行呢個「梅花妝」。亦有另一個講法，就系喺南朝《宋書》入面有提及過宋武帝劉裕囡囡壽陽公主正月初七喺含章殿瞓覺，有朵梅花跌咗落公主嘅額頭，仲染成花瓣形狀，獲宮中妃嬪爭相模仿。

童星陳偲穎、黃雪兒演技自然感情真摯

《宮心計2深宮計》好多主要角色已經出了場，除了一眾演員大斗演技之外，劇中有兩個小童星，飾演童年版元玥 (劉心悠角色) 的黃雪兒 (Nicole)，以及飾演童年版元瑈 (周秀娜角色) 的陳偲穎 (Bianca) 都非常搶鏡。兩人與陳琪飾演三母女，Bianca是家姐，Nicole是妹妹，三人的一場離別戲份竟然成了第一集的亮點所在，兩位小妹妹甚至可以說是成集最好戲的，亦令觀眾同網民留下深刻的印象。

該場戲講家姐元瑈為了代替妹妹元玥被賣走而搶食妹妹的肉饀包，當元瑈與媽媽依依不捨傷心流涕，原本不知情的元玥在門前聽到了一切，即哭住問家姐何時回家。陳琪固然是好戲，兩位小童星一樣是入曬戲，演得好自然亦都好有感情，飾演如玥的Nicole更是哭到鼻都紅埋，喊得好凄涼。網民紛紛留言大讚Bianca同Nicole，說她們的演技很有感染力，入戲之餘亦令人看得動容。其實她們也非首次拍劇，Nicole曾在無線的《幕後玩家》中飾演黃宗澤與龔嘉欣的女兒，而Bianca則於《愛?回家之開心速遞》入面飾演童年版熊尚善 (藤麗名角色)。

喜歡這篇文章嗎？立刻分享出去讓更多人知道吧！