刪剪完就有得播？《深宮計》解禁內地！終於有得睇！

無線新劇《宮心計2深宮計》本來同騰訊喺星期一（21日）同步首播，點知最後騰訊「臨陣脫腳」，得番無線自己播，事後有傳因為因為題材涉宮斗、廢太子，刺中掌權者忌諱而遭大陸禁播，甚至又有另一個傳聞，原先以為呢套劇係香港製作，本來局方覺得唔及大陸製作「入肉」而放行，點知又遭其他電視台／網站睇唔過眼而「篤背脊」陷於Fail邊緣。

無線方面就解釋事件由騰訊一方解決緊，應由騰訊回應，而騰訊只係喺微博話「因故暫時延期」，未有進一步解釋。不過有消息話無線同騰訊都好緊張，同國家廣電總局再溝通，方案包括再行刪剪，希望劇集能逃出生天，爭取下周復播。

唔知係咪呢個原因，騰訊喺微博公佈好消息！成功將《宮》劇1-5集上架，VIP會員更可率先欣賞下周6-7集劇情，一眾視迷可即時「重溫」1-4集精彩片段！

據知，今次內地版跟香港版是一模一樣，全冇刪剪，26日凌晨零時，頭10集亦會上架，比香港快播5集。

其後馬浚偉接受訪問，佢話：「我都係啱啱先知，終於有得播，真係好開心，尤其係一班喺大陸啲朋友，佢哋為咗呢套劇，專登去買VIP，當然我都期待可以喺全國播放。」唔知到時馬仔會唔會去大陸做宣傳？佢就話：「其實唔止宣傳，喺大陸都多咗好多工作搵我，不過我o依家要綵排舞台劇，遲啲又要去巡迴演出，我都盡量夾時間。」

?轉載授權微信：lama129

? 商務QQ：1900556960

喜歡這篇文章嗎？立刻分享出去讓更多人知道吧！