《深宮計》黃心穎借對白示愛？隔空向馬國明傳情

無綫劇《宮心計2深宮計》近日播得如火如荼，劇情亦愈嚟愈緊張，而劇中黃心穎同馬國明呢對戲內戲外嘅小情侶，當然引起網民關注！

日前講到飾演「若芊」嘅心穎再度向馬國明表白，馬國明仲大玩「壁咚」，真系睇見都冧到暈。

心穎回味當日片段，再睇番依然甜在心頭，仲喺社交網話：「尋晚有好多我好鍾意嘅場口、對白…本來表白係為咗得到他、後來表白就只系想佢知道、唔想抱憾終生、想佢平安就好…只要你平安無事、好好生存、就系我最大嘅期望 #隨心而行如心所想 #甘若芊 #宮心計2深宮計 #謝謝編審們」

相信呢啲系「若芊」、亦繫心穎嘅心中話，呢個隔空傳情，唔知道馬國明收唔收到呢？

喜歡這篇文章嗎？立刻分享出去讓更多人知道吧！