賭客輸贏天註定？賭場高深「反」套路你又知幾多？

Macaulife

搜羅最新鮮

最勁爆嘅澳門新聞

講起賭錢

好多人都知道戈句

小賭怡情，大賭傷身

但係依然有好多人控制唔到自己

選擇去賭錢

究竟係咩嘢原因？

人性嘅貪婪係一方面

畢竟邊個都想不勞而獲

輸咗之後想要翻本又係一方面原因

所以導致好多人傾家蕩產

大家經常睇到好多賭神電影

各種花式出千

令觀眾歎為觀止

咁現實中有冇可能喺賭場出千？

今日小Pe就同大家Share

一啲關於賭場嘅

私家存貨

大家對賭場都覺得進去係靠運氣

但係其實賭場嘅套路係好深嘎！！！

澳門喺2006年開始

博彩業收入就已經超過咗拉斯維加斯

成為咗名副其實嘅

「世界第一賭城」

而澳門嘅賭場早就擁有好多黑科技手段

應該係話

唔少黑科技都係起源於賭場

今天就同大家傾下關於澳門賭場嘅事

當你行入賭場嘅戈一刻開始

你就已經喺幾百個CAM頭嘅監控下

最犀利嘅係呢啲無處不在嘅CAM頭會

通過人臉識別同大數據調取

瞬間識別你嘅身份

你嘅資產狀況、個人徵信記錄、社保記錄

短短幾秒內就可以全部Show喺賭場嘅資料庫度

賭場嘅AI系統會根據你嘅以上資訊

搭建出

個人分析模型

你鐘意玩老虎機定係百家樂

會喺幾長時間內進入個人消費高潮

可以承受幾大嘅輸錢極限

賭場都已經了解到一五一十

咁就係點解

當你手氣唔順嘅時候會突然之間贏啲小錢

得意忘形大把投注嘅時候又會必輸無疑

而當你輸錢輸到想走佬嘅時候

賭場就會派出一位服務員過嚟

送你一張面額唔細

但一定要喺一粒鐘內用嘅餐廳Coupon

令你食飽飯之後

可以番到賭台輸更多錢

正正係因為賭場可以預測

賭客可以承受得到嘅輸錢極限

所以有啲賭場甚至會喺你察覺唔到嘅前提下

降低賭客嘅贏率

從而畀賭場帶嚟大筆嘅額外收入

賭場嘅犯罪率亦都大幅提升

各種「出老千嘅手法層出不窮」

不過道高一尺魔高一丈

如今各大賭場已經

裝曬AI人臉識別系統

可以通過面部微表情嚟

識別企圖出千嘅賭客

並且AI仲識掌控各個角落嘅攝像頭

自動記錄同埋提取老千嘅行為

連犯罪證據都收集埋

為咗防止用微型攝像機影低紙牌順序出千

有啲賭場仲安裝埋反監控系統

用嚟偵測喺用攝像機嘅時候

發出低頻聲波干擾

一旦發現

附近嘅安保人員就會即刻出現

請你離開賭台

針對老千利用手速換牌出千

大部分嘅賭場除咗用蜜蜂牌

呢種牌背花紋單一、無邊嘅專用紙牌外

仲引進咗「天使之眼」系統

喺尚未發出嘅牌上用隱形墨水做記號

只要有人想用換牌嘅方式出千

「天使之眼」會即刻識別出無記號嘅紙牌

當場捉住出千嘅賭客

可以睇到今時今日嘅博彩業

早就已經唔係大家印象中咁傳統

咁封閉嘅樣

人哋可以成為一個

全球年收入超過5000億美元

擁有名列全球《財富》

500強企業嘅高科技行業

唔係冇科學嘅方法嘎！

尤其喺擁有

20幾間賭場

1800幾張賭台

超過3萬人從業人員嘅澳門

科技早就已經滲透賭場嘅每個角落

畢竟

努力同成功唔係只靠運氣嘎~

好喇，聽小Pe介紹咗咁多

關於賭場入面嘅高科技

你係唔係亦都對呢個紙醉金迷嘅行業

有咗更多嘅了解咧？

小賭怡情、大賭傷身

其實美麗嘅澳門除咗賭場

仲有天后宮、旅遊塔、

媽閣廟、大三巴牌坊等

好多旅遊景點都值得一覽

下次過澳門

不妨去賭場以外嘅景點睇睇？

（本文圖片分享自網路）

「近期熱帖速遞」

喜歡這篇文章嗎？立刻分享出去讓更多人知道吧！