梁漢文睇世杯睇到入廠！城城抱女陪老婆下鄉李克勤痛住唱歌高海寧撞親後腦變鬥雞眼

林夏薇31歲台灣過生日　老公送乜？

藝人林夏薇剛過31歲生日，剛從青島登台的她，甫返港即孖住老公飛台灣度假，薇薇老公更於她生日正日，與一班朋友為她搞驚喜派對，令壽星女開心不已，她謂：「第一次同老公喺台灣過生日，同班朋友一齊食日本菜，最開心系收到老公送、又有心思嘅禮物，系一隻原廠刻有我個名同祝福嘅手錶，我開心到即刻戴住。生日願望梗系身體健康，因為早前撞車，依家受傷嘅地方慢慢好番。」

條腰受傷可大可小！李克勤痛住唱歌

歌手李克勤出席活動，惟上台演唱前，先告知傳媒因腰傷未能接受訪問。帶傷上陣的他於台上行動緩慢，只企定定唱足兩首歌，沒有太大郁動，唱畢更要由二名工作人員扶落台。事後助手交代克勤受傷一事：「尋日（30日）佢自己揸車，落車嘅時候唔小心拉傷咗條腰，系舊患又再拉傷，就即刻食咗止痛藥，但今日坐低起身都依然好痛，不過因為一早應承出席活動，就忍痛上台演唱。」

藝人馬國明及高海寧（高Ling）為劇集《C9特工》，日前以「夫妻檔」到南生圍拍攝影婚紗照場口，馬國明於33度烈日當空下仍身穿禮服拍攝，全程面不改容，笑言為拍攝都要頂硬上！

失平衡撻落地

身穿入膊露香肩哩士婚紗的高Ling亦非常專業，事關她是帶傷上陣，受訪時她自爆之前拍攝個人戲份時受傷，撞親後腦兼盤骨位瘀曬：「當時系喺街市拍緊，咁有塊滑板，上面就有兩個菜籮，自己兩隻腳都企咗入去，一拉條繩向前行就失平衡撻落地。（有即刻去睇醫生？）有呀，有即刻Call白車，跌低咗都要抖一抖先起到身，入院之後就有照腦掃描、X光，睇嚇有冇事，好彩都OK冇事，即刻返到工。」

產生後遺症

問到後腦撞傷位置已消腫？她表示需時康復，不過就再爆產生後遺症：「會再複診照磁力共震嘅，主要系對眼依家望嘢容易鬥雞，向右望又會有重影，醫生話可能系撞擊影響到入面啲神經線，眼肌依家就唔系好控制到，慢慢會好番。」不過她在劇中飾演特工，打鬥戲份少不免，問到之後會否錫身拍攝？她就解釋今次只是意外，希望之後都可以親自落場，拒絕用替身。高Ling又慘爆話受傷後原想打畀媽媽報憂，不過反被「驚喜」：「細佬早前去咗日本旅行，我喺白車打唔到畀媽咪，原來佢同爸爸臨時買機票飛去日本搵細佬，受咗傷都冇人陪，好失落！」

贊高Ling專業

身旁的馬國明無奈指當時自己不在場，對方受傷後才抵達、緣慳一面：「臨去到先收到消息，都好擔心，有上十字車睇一睇佢，問佢有冇事，其實都有叫佢休息多日嘅，但佢話冇所謂、繼續拍攝，好專業！」之後拍攝會否「錫」住高Ling？他即謂當然會，又為對方大呻辛苦：「佢嘅戲份有九成咁滯，仲有好多打戲。（咁你自己都有打戲？）後段先有多啲。（都會錫身？唔怕女友黃心穎擔心？）都唔驚，之前拍過好多，今次啲打戲都系輕鬆、搞笑為主，都唔會有太大挑戰。」

郭富城抱女陪老婆下鄉補擺喜宴

天王郭富城（城城）結婚同榮升爸爸後，每次提起老婆同個女都冧滋滋，同以往對私事絕口不提嘅態度嚟一個180度大轉變。

日前網上流傳一批城城返內地擺酒嘅相，相中見城城滿場飛，而老婆方媛就做佢背後嘅女人。城城周圍見人就敬酒，見到賓客舉機影相仲笑曬口擺Pose，一啲天王架子都冇，仲表現得好興奮！其中一張相仲見到城城由老婆傍住抱BB，賓客都上前圍觀，父愛滲曬出嚟呀！

不過就未知今次城城係為囡囡Chant補擺滿月酒定系補擺結婚酒，凈系見社交網嘅地標系內地嘅蕪湖市，即系城嫂方媛嘅家鄉。唔少粉絲見到系真．城城，仲出Post呼朋喚友前去集郵，天王魅力可見一斑！

睇世杯睇到入廠！梁漢文爆缸：聽朝做手術

歌手梁漢文（Edmond）睇世界盃睇到撼穿頭爆缸！身為足球發燒友嘅佢，趁世界盃熱潮相約朋友到卡啦OK打牙骹觀賞賽事，點知佢邊睇邊唱K期間，突然個頭撞落枱角，當場見紅仲要流血不止，要立刻入院接受治療。

在凌晨大約三時半，Edmond在社交網上載受傷照，並發揮其搞笑本色，講笑話聽朝做個大手術後會變得更靚仔！唔少網友留言安慰同埋祝福佢早日康復，仲話佢本身都咁靚仔唔使去整容啦！

梁漢文詳細留言講述事發經過：「今屆世界盃都未試過出去睇場波，突然心血來潮打畀我兄弟問佢喺邊，佢咁啱喺卡拉OK，當時我的感覺直情系緣分到了，可以一齊睇波、點知意外就系意外，冇得解釋，竟然可以一邊唱住人哋想我唱嘅《一世一次戀愛》、個頭直接撞落枱角，流血不止，經過一大輪嘅討論，我決定聽朝做一個大手術，所以我之後會好靚仔，good nite，大家不用擔心。」

GIF