公主上位 TVB力捧37歲劉心悠做阿佘接班人

最新 07-02

【深宮計】公主上位無線力捧 37歲劉心悠做阿佘接班人

本文轉自網路不代表本號觀點

相隔9年、經典宮廷劇《宮心計》推出第二輯《深宮計》，話就話背景有別、陣容全新，不過心水清劇迷都睇得出，由外援劉心悠演出之女主角元玥由婢女變公主、性格善良無私堅毅不屈，同9年前佘詩曼角色「劉三好」如出一轍，爭在未日日掛住「說好話、做好事、存好心」口頭禪在口邊而已！

據悉，小青姐出馬邀拍劇、樂小姐爭簽做邵氏自己人，都系因為貪心悠BB純過蒸餾水、形象好到加零一，一心要用同一條方程式打造心悠變佘詩曼接班人！

劉心悠十三年零緋聞

港姐出身、拍劇起家，佘詩曼挨足廿年電視台奠定視後及花旦位置後，即離巢轉攻影壇；當家花旦接連出走、後起小花又未成氣候，電視台積極尋找外援接班人是常識吧！拍足一年、耗巨資兼金牌監製梅小青回巢監製重頭劇《宮心計2深宮計》就一反無線傳統，大量起用外援擔當要角，畀足視迷新鮮感之餘，一班電視「新」人亦都不負重望演出稱職又搶眼，尤其系形象pure又true、入屋話咁易的心悠BB。

劉心悠人品好所以人緣好，陪伴左右的經理人從星皓時代服務至今，繼續感情要好密密斟，可見心悠為人重感情又易相處。

05年入行即以電影為主，當年以新人姿態出演《阿嫂》第一女主角時，心悠已經因為純情又有仙氣矚目港台影圈；打響頭炮不難，難在入行十三年都零緋聞零醜聞貫徹始終，純品形象深入民心。據知情人士透露，11年拍完內地劇《步步驚心》紅遍華人圈，事業心重心悠已經認為拍劇過足戲癮食過翻尋味：「心悠想挑戰自己講廣東話拍香港電視劇，其實TVB早喺12年都已經搵佢傾合作，不過真系電影期霸曬無時間，結果一推再推。前年小青姐回巢籌備《深宮計》最早嗰批演員就系聯絡心悠，《深宮計》未出街，樂小姐都已經搵定心悠再傾合作。心悠啱啱簽咗邵氏、《深宮計》出街元玥個角色又真系拍得住當年劉三好個，嚟緊TVB大把計劃捧硬心悠！」有樣有氣質和有演技觀眾緣，劉心悠做佘詩曼接班人，冇人有異議！