梁漢文額縫37針破相李佳芯為男友慶生化妝大師陳文輝二子去世

掃大灣區六個單位　吳啟華自認擔心爛尾

近年不少人喜歡投資大灣區地產，有指藝人吳啟華早前亦掃了多個單位，記者就此事向他求證，他謂：「系，買咗樓花。（恭喜曬喎！）恭咩喜，都擔心會唔會爛尾?，呢啲投資呢，老人家都要做嚇，如果唔系啲錢好快使曬！」問總共掃了幾多個單位，他指不是全數是他的：「無幾多個，我啲屋企人、姨媽、姑姐咁都有買，話全部系我買，但其實唔系，大約買咗五、六間左右，百六萬一間（約共960萬）。（幾時收樓？）應該系2020年初，發展商都幾好，我哋依家等於畀錢佢哋起樓。」

對於有指大灣區地產有升值潛力，他十分認同：「系呀，有高鐵，發展得好犀利，依家我哋買嘅系叫政府限價盤，政府限咗唔能夠高過幾多錢，同埋三至五年之內唔能夠轉讓，到可以賣嘅時候，我會再睇嚇點（指放盤定繼續持有），好多嘢好難講，但地產最穩陣，是但喺內地買層樓擺幾年都會升，有時仲會升到一個開。」不過，投資樓花當然有一定風險，他也笑言：「依家都求神拜佛，希望個盤唔好爛尾或者有人走佬，準時交樓，呢啲嘢真系好難講，以前買樓都唔系未試過爛尾嘅情況，我都瀨過一次嘢?喇！」

提到早年曾遇「爛尾」事件，啟華回憶說：「好耐之前，都十幾年前，當時內地公司搵我哋拍戲，拍完戲又話公司有搞商場鋪，叫我哋可以內部認購平畀我哋，我咪將啲片酬拎去買鋪，點知最後就爛咗尾走咗佬，間公司冇咗咩都冇曬。（損失幾多？）當年二十幾萬左右。」

1997年嘅港姐季軍佘詩曼，自從選完美加入大台之後，喺演藝路上可以話系扶搖直上，人靚演技好嘅阿佘一向都有觀眾緣，仲曾經入過《福布斯》名人榜，雖然近年已經離開咗大台，但系吸金力一啲都唔弱。

日前夜晚七點半左右，記者喺西貢就發現阿佘將佢部過百萬嘅瑪莎拉蒂跑車泊咗喺路邊，同一名女友人一齊入到一間英式餐廳食嘢，近乎素顏嘅阿佘頭帶黑色Cap帽，身穿長衫，可能因為咁所以沿途都冇人路人認得佢。

兩人入到餐廳後，揀咗一個相對唔起眼嘅角落坐低，好快叫完嘢食之後，阿佘就拎起部電話系咁玩，期間又聽又講似乎同其他人傾得好開心，仲不時甜笑，反而對面嘅女友人就同阿佘冇乜交流。

可能係為都系女仔嘅關係，兩人唔系叫咗太多嘢食，除咗阿佘好似對杯凍飲好滿意之外，唔夠一個鍾已經出番嚟，可能飲完杯嘢意猶未盡，阿佘就去到西貢一間好出名嘅糖水鋪買外賣，等候期間旁人亦都唔系好認得阿佘，阿佘就一路睇下部車有冇被人抄牌一路等外賣。

兩人拎完外賣糖水後好快就上返阿佘嗰部跑車離去。據知阿佘呢部瑪莎拉蒂落地未夠一年，而舊有嘅Benz就好耐都冇出現，新車更加系連車牌都換埋?！

藝人李佳芯（Ali）出席新劇《白色強人》煞科飯局，講到她日前為男友陳炳銓慶祝生日，相約一班好友唱K。問到她送了甚麼生日禮物，她嬌嗔答：「銀包仔，佢之前嫌自己個銀包太大唔方便，我送個細啲嘅畀佢。（有冇似習俗咁，入啲錢入去，祝佢搵多啲？）又冇喎，今晚返去入1,000蚊先，因為佢要搵得多過我！（點解唔二人世界？）平時啲人已話我孤獨，生日派對人多熱鬧好玩啲，我好努力叫曬佢識嘅朋友嚟。」

當日男友唱K時High到表示不會放低支咪，而Ali就笑言自己不是「咪霸」：「我揸咪最多嘅時候，就系好似依家做訪問咁囉！」

梁漢文（Edmond）剛拍攝短片向大家報平安，戴上口罩的他，額頭貼上長長膠布，睇嚟傷口頗長，精神尚可的他說：「Hello大家好，尋日喺各大平台寫咗成個世界盃都冇出去睇過波，尋晚心血來潮打畀個朋友，問佢喺邊度，佢話喺卡啦OK，正喎，緣分到咪一齊睇場波，睇咗半場之後，突然間有個朋友話：『喂，唱只歌嚟聽嚇得唔得呀？』我話唱乜呀？佢話想聽《一世一次戀愛》，我話好呀，跟住熄暗咗啲燈，我咪唱囉，就因為熄暗咗啲燈睇唔到有一級，行前一click就直接撼咗落張枱度，喺正呢個位（佢用手指住傷口），縫咗37針，長度系7cm，深度就見骨，依家要做嘅嘢做曬，依家等緊埋單同去食嘢，因為好肚餓，多謝大家關心，thank you！」

Edmond點解要縫成37針？據知因為醫生想幫佢整得靚仔啲，所以要縫得細密，個傷口同疤痕就愈平復。他已出院回家休息，笑言自己「鬼打咁精神」，繼續頂頭槌都得，已照過曬腦掃描乜事都冇，13號會如期出發到俄羅斯睇世界盃。