同高海寧有親熱戲！馬國明：好舒服

藝人高海寧（高Ling）、馬國明等到將軍澳電視城出席新劇《C9特工》拜神儀式，高Ling早前為拍攝此劇不慎滑倒，後腦著地受傷，她直言好需要拜神保佑。

問到康復進度？高Ling說：「康復中，希望唔好影響到拍攝，同劇嘅李家鼎有畀藥酒，教埋我點捽，阿畲（畲詩曼）都有關心我，希望唔好留下後遺症。（拍到驚咗？）有少少陰影，會更小心，因為我冇受過訓練，唔識點保護自己，佢哋話發生意外點都保護咗個頭先。」

問到拍攝上有否因受傷作調動？高Ling表示沒有：「早兩日都拍跳欄，閘上面有叉嗰啲，日日都有驚喜。」她又透露被同劇演員取外號「豆腐Ling」，經常受傷一身瘀青：「覺得自己動作上做得差，但呢個角色有發揮，想做好佢，好好把握，馬國明要睇住我呀！」

而問到馬國明有否動作戲？他透露相較高Ling少很多：「我後尾先有，佢做得好Pro嘅，我就感覺上Out out哋，襯番我！（同高Ling有親熱戲？）有，都拍咗啲接吻戲，大家第一次有咁多對手戲，合作咗個幾星期就拍，好專業同舒服，份人好爽快，唔會扭扭擰擰，男仔會好尷尬！（邊個扭擰？）有啲人啦！」

喜歡這篇文章嗎？立刻分享出去讓更多人知道吧！