自爆試過超速！胡鴻鈞：收工太攰不自覺

歌手胡鴻鈞（Hubert）現身電台出席活動，向長者宣揚道路安全訊息，受訪時他自爆揸車試過超速，但即時「補鑊」話不是刻意：「有時收工太攰不自覺。（有沒有收過牛肉乾？）都有?，但在P牌那時發生多點，不熟路又搵不到停車場，都試過違例泊車，現在就少點。」

翻新成架車

Hubert又笑話朋友都嫌佢手車好「戥」：「依家架車擺咗入車房一個月大執，將避震整高啲，成架車都翻新，成日行環保大道多石仔，彈到架車花曬。（大執為咗邊個？）自己慾望，同埋爸爸媽媽。」他續指因為唔捨得舊車，但又負擔唔起養兩架車，所以冇換車打算。問到對愛情都咁專一？他打趣自言唔花心：「依家都等緊緣分嚟，要嚟就嚟，唔會刻意。」

爆劉佩玥機不離手

他透露剛從馬來西亞回來，與拍檔劉佩玥（Moon）一齊拍攝節目，挑戰30小時不使用電子產品：「期間都有好多唔同嘅Task要做，喺城市入面走嚟走去，又會去郊外煮嘢食。」他續指此考驗可以提醒大家多注意身邊的事和物，必定有更多感受，問到私下都會機不離手？他笑言自己冇「電子癮」，冇得用唔會心掛掛，但就大爆Moon是「電子控」。

喜歡這篇文章嗎？立刻分享出去讓更多人知道吧！