洪欣老公傳出軌關陳法蓉事？林淑敏爆老公癲咗陳凱琳呷鄭嘉穎前度醋？

娛樂 07-31

共勉之

官恩娜

00:00/03:14

今日快報

岳母離世　黃致豪哀悼：你系家庭好榜樣

藝人黃致豪喺社交網傷痛地發文指其太太的母親離世，並感激她對家人的照顧：「我嘅第二個媽媽，我哋嘅路今日要分開，但我哋會好快再次見面。多謝你歡迎我加入你屋企，你嘅快樂，你嘅精神，你既（嘅）精力，系一個家庭嘅好榜樣。以下嘅日子我會好好地照顧你家人，你可以安息。我會掛住你…」又上載一張二人的合照悼念對方，而黃致豪的圈中好友姚子羚亦有留言送上慰問。

全家去旅行！官恩娜二千米瑞士高山喂人奶

歌手官恩娜（Ella）最近就同老公及一對仔去咗瑞士旅行，雖然囡囡BéBé A只得6個月大，但Ella都唔怕辛苦仲帶埋一對仔女上瑞士莫雷松山（Moléson peak），更在高山上喂人奶，Ella留言謂：「BéBé A having lunch on top of the 2002m Moléson mountain （BéBé 在2,002米高的莫雷松山食午餐）」照片所見，Ella同老公都兩手揈揈，唔似一般媽媽咁一袋二袋，呢個就系喂人奶嘅好處，隨時隨地都喂得。

Ella一向身體力行提倡喂母乳，不過其實她在2016年時因喂母乳而慘遭受辱，當時Ella在某5星級酒店的更衣室喂仔仔母乳時遭中年婦投訴，當時她將事件放上網，更hang tag喂母乳無罪！受到好多母乳媽媽的認同及讚賞。

呷鄭嘉穎前度醋？網民爆陳凱琳實周麗淇

藝人鄭嘉穎與女友陳凱琳父女戀開花結果，下月12日將會在峇里舉行小型婚禮，計番條數，唔夠兩個星期佢哋就會成為正式夫妻真系恭喜曬！不過近日喺網上就有「贈興」嘅消息流出，指陳凱琳不停關注鄭嘉穎舊愛周麗淇嘅IG，不時會點贊但冇follow對方，有網民推測佢嘅舉動，話系因為鄭嘉穎一直都放唔低周麗淇，兼且喺心目中佔有一席位，所以陳凱琳先至會呷醋，默默咁留意住未婚夫深愛著嘅前度女友！查一查資料睇番，陳凱琳的確冇follow周麗淇嘅IG，亦都有點贊過，不過次數都系好久唔久先至發生一次，相信有咁嘅傳言，都系部分覺得鄭嘉穎同周麗淇好襯嘅人諗出嚟嘅情節啫！

同送水輝「撻著」　林淑敏爆老公癲咗！

藝人林淑敏到電台受訪，表示最近都是忙拍《愛·回家之開心速遞》，講到「大小姐」與「送水輝」（許家傑）的感情線很受歡迎，她表示有壓力，但壓力來自想做好些：「諗嚇有咩變化，令觀眾有新鮮感，諗嚇點樣夾多啲嘢，例如依家可以講多啲兩人相處，同觀眾貼地啲嘅題材。（兩個會唔會鬧交？）會呀，例如送水輝系有個仔，就會講佢好似怪獸家長，緊張小朋友嘅心態。」問到老公見到她與送水輝的劇情有何反應？她笑言：「佢笑到癲咗，笑到卡卡聲，佢都明呢個系我嘅工作，有時我諗住擺啲我同送水輝嘅相上Instagram，老公都會幫我揀相。」

問到拍劇咁忙，暑假可會有時間陪老公去旅行？她笑言：「佢又唔系小朋友，唔使放暑假，不過我哋都真系有傾過想凍啲時候去旅行。」問到老公可有詐型佢咁忙？她表示：「冇，因為佢都忙，我哋大家有共識。（依家有冇少見咗？）其實依家見嘅時間系穩定咗添，因為拍處境劇嘅時間穩定，我仲可以返屋企煮飯畀佢食，煎只蛋畀佢食，煮個簡單晚餐。」

洪欣老公張丹峰傳出軌　又關陳法蓉事？

女星洪欣老公張丹峰被傳出軌撻著經理人畢瀅，當事人已分別發聲明否認，不過洪欣好姊妹陳法蓉竟然捲入事件。佢被指早前微博有條帖文系暗示佢哋兩夫婦關係出現問題，今日佢就喺微博澄清，更發誓唔知任何傳聞：「本人7/27發的微博，和平時一樣，只是勉勵自己和粉絲。我發誓：我當時根本不知道任何傳聞！一段比熱搜早的舊文無端端被誤以為暗示好友張丹峰夫婦關係出現問題？簡直匪夷所思！當事人已經澄清否認，我的兩位好友明明就是好好的，希望不實消息真的不要再發酵下去！謠言止於智者，敬請大家不要再胡思亂想！」

翻查佢微博7月27日帖文，較早嘅一條系關洪欣事，佢對洪欣一家人連同畢瀅游主題樂園嘅一張相留言：「Sooo happy[心]~顏值高的一家[愛你]」而另一條佢就冇指名道姓：「親愛的：如果有人傷害了你，可以原諒他，但永遠也不要再相信他。原諒是放過你自己，而盲目信任卻只會給他再傷害你的機會。我們當然可以相信人會改過，但驗證的機會就留給別人吧。那些傷害過你的人，放過他們，路過他們，揮揮手永不再見。」