李佳芯希望《BB來了》拍足一千集洪永城撞破女友偷食阿Sa玩滑水爆缸收場

娛樂 08-02

回到以前

HANA

00:00/03:36

今日快報

簽約李霖恩旗下　譚嘉荃為紅不擇手段

歌手譚嘉荃（Amy）近日有新嘗試，擴大電影方面發展，更籤約成為李霖恩旗下，她說：「電影方面系簽畀霖恩，嚟緊會拍新電影，系講器官捐贈，會有好多好戲之人，好似鮑起靜同埋蘇玉華等。而我今次嘅角色系做一個經理人，奸奸哋，會叫個藝人為紅而不擇手段。（同你平時性格反差咁大？）系呀，霖恩好鍾意畀呢啲角色我，好似之前要做性感足浴小花同警察咁，其實我自己都好鍾意，因為咁先有發揮。」

Amy話未來做咩角色都冇所謂，最緊要系可以嘗試，問到會唔會學戲增值自己？她說：「其實啱啱入行都有嘅，依家都想搵老師上堂學，因為想個效果出嚟好啲。」

懶理「傷膝」流血　梁浸浸有得玩大過天

藝人鄭希怡（Yumiko）近日帶囡囡梁浸浸去主題樂園玩，連日來都有將囡囡嘅萌相放上社交網同網民開心share，佢透露原來囡囡一到達樂園就已經唔小心跌到膝頭哥流血！不過，梁浸浸遺傳到媽媽Yumiko硬朗性格，冇扭計之餘，仲立即起身繼續玩，非常之叻女！

兩母女除咗去玩旋轉木馬外，仲去咗聽故事，Yumiko喺等緊囡囡之際，童心未泯嘅佢都唔執輸，大玩填顏色。假期夠曬充實，相信佢兩母女都好難忘。

阿Sa出海玩滑水　爆缸收場！

藝人蔡卓妍（阿Sa）出海玩滑水，點知出咗事，佢喺社交網話：「第二次wakesurfing 終於滑到超過2秒，不過之後就。」睇番啲相同片系型嘅，點知碌落第二張相，見到阿Sa爆曬缸，睇見都覺得痛呀，下次玩時真系要小心啲呀！但佢都好樂觀，仲識#大紫大紅、#見紅。

婚禮進入倒數階段鄭嘉穎抽空約好兄弟打網球

48歲嘅鄭嘉穎將於8月12日，就會同拍拖三年嘅港姐陳凱琳喺峇里舉行婚禮，自婚事公開後，嘉穎都一直未有露面，但原來佢噚日已經秘密返咗香港，籌備婚事之餘，佢都抽空相約一班好兄弟黃智賢、郭晉安同鄭子誠去打網球。

郭晉安噚日就喺微博貼出佢哋嘅合照，安仔留言話：「忙中有聚！」，當然啦，好朋友點忙都要約出嚟聚下，輕鬆嚇，傾嚇偈，咁先可以調劑下沉悶嘅生活?嘛！咦！唔知道準新娘子陳凱琳，有冇做到跟得夫人，陪埋嘉穎去打網球呢！？而有網民就留言話：「是在發喜帖幺？」又有網民問安仔會唔會出席嘉穎嘅婚禮?！

慘被戴綠帽！洪永城屋企樓下撞破女友偷食

洪永城（Tony）與林師傑主演的無線微電影《愛情沒有來的時候》即將播出，二人在現實生活中的感情世界截然不同，林師傑與女友歐陽巧瑩年底將完成人生大事，然而洪永城在愛情路上仍然交白卷，Tony被問可曾因工作忙碌而忽略女友令感情無疾而終？他未有指明道姓的說：「唔可以話系分手原因，但系系其中一個元素！」

至於可有深刻的分手經歷？他透露曾經有一任女友偷食被他發現：「試過有一次，我打電話畀當時女友，佢話佢系鰂魚涌，但轉個頭我見到佢系我屋苑大廈出現，拖住第二個男仔，原來佢個第三者同我住同一棟大廈！」

收收埋埋險分手

林師傑則透露曾經因為不肯講心底話令女友嬲爆，以分手作脅迫他講感受：「我同Tam Tam（歐陽巧瑩）系一凹一凸，我好多嘢收埋唔講，佢就好想我講出嚟令自己舒服啲，結果有一次我死都唔肯講，佢將一本我哋嘅相簿擺喺巴士站，如果我唔過去拎就以後都唔好見，我一去到就見到佢，佢鬧我系咪犯賤，點解咁在乎都唔肯講出嚟！」

李佳芯希望《BB來了》拍足一千集

無線劇《BB來了》於無線電視城中菜廳舉行祝捷晚宴，一班主角李佳芯、高海寧、徐榮、楊卓娜以及無線高層杜之克、曾勵珍等均有出席，該劇首兩周7天跨平台平均總收視達29點，創2018年劇集首兩周收視之冠，成績相當不錯！

李佳芯對於劇集能暫時成為本年度首兩周最高收視，當然很開心，並謂：「希望好反應可以Keep到去結局，其實初初都有啲擔心，因為我嘅角色成日發癲嗌離婚。（出街有冇畀人鬧？）冇，唔少觀眾仲話講出新手媽媽嘅心聲，頭先喺化妝間撞到車婉婉，佢話我講嘅對白全部中曬，令人好有共鳴，不過呢啲都系編劇、編審嘅功勞！」

劇集反應好，有BB廣告找上門？她謂：「仲等緊，上次同王浩信套劇都系完咗先有人搵，希望今次都一樣，可以賣嚇奶粉廣告，食埋呢條水。」劇中不少演員都話想拍續集，李佳芯都舉腳贊成，並謂：「我都希望一直拍落去，拍到允豬結婚同大個，咁我又可以自己演番角色，《真情》拍咗一千集，我希望呢個劇可以拍一千集，如果拍落去，我使唔使扮師奶戴假髮呢？！」