有錢齊齊搵！鄧麗欣唔介意同王子情侶拍戲

女星鄧麗欣（Stephy）接受訪問，大談拍攝新片驚險事。該戲有多位型男古天樂（古仔）、張智霖、鄭嘉穎等，Stephy是戲中唯一女將，佢跟古仔有最多嘅對手戲，但全程都以追逐戲為主，當中不乏危險嘅場面：「有一場喺馬路嘅戲，啲車好高速咁喺我身邊穿梭，我同啲車距離真系好貼，雖然鏡頭只有幾分鐘，但拍咗整日，因為嗰位要試得好准。我冇乜經驗，所以好謹慎，聽足大家嘅指示，唔想出錯，怕累到大家，拍嘅時候都有少少怯。好在我只需要做番真實驚嘅表情。」

不過，Stephy直言比起其他演員，自己已是最舒服嘅一個﹕「另一場系古仔開車去避開其他車追捕，幾危險同辛苦，同另一部車差啲撞，我坐喺隔籬又系負責做真實反應，但古仔好有經驗，好鎮定。（覺得古仔攞影帝前後有冇唔同？）拍嘅時候佢未攞，但已經覺得佢好有潛質攞。」

Stephy最近公開同台灣前棒棒堂成員邱勝翊（王子）拍拖，問佢會否介意同男友王子合作拍戲？佢就話若有劇本合適就唔會抗拒：「最重要系劇本好，唔系夾硬嚟。（如果情侶檔出品牌活動或商演呢？）搵錢幾好，有錢齊齊搵唔錯，冇刻意諗系咪情侶檔，最重要適合啦！」

喜歡這篇文章嗎？立刻分享出去讓更多人知道吧！