今日快報

細個五音不全　鄧佩儀苦練唱歌終上《50年》

前華姐冠軍鄧佩儀（Gloria）由細到大也喜歡唱歌，更不時將自彈自唱影片放上網，最近更有機會在無線節目《流行經典50年》中表演，她說：「我細個好鍾意唱歌，但系天生五音不全，經過好多年努力，依家總算可以離開五音不全行列，但我都知道未夠條件做歌手，今次有機會上節目唱歌已經好開心，畀我感受嚇做歌手嘅滋味。」

鄧佩儀錶演時心情並不緊張，很享受在台上的一刻，看見現場觀眾舉起的燈牌，感覺好奇妙：「好多謝吳業坤，佢開騷前專登走嚟同我一齊開聲，又要多謝黎小田，喺綵排時畀咗好多意見我，教我點樣改善，唱得更加有感情。」

鄧麗欣孖王子情侶裝游花蓮

歌手鄧麗欣（Stephy）同台灣歌手邱勝翊（王子）公開「姊弟戀」後，不時喺網上高調「放閃」，之前已多次被粉絲大爆拍拖蹤跡，又日本又台灣，唔使開工仲即把握機會互飛見面！今日東網又收到讀者爆料，指Stephy同王子及其家人同游花蓮添！

雖然只得兩人嘅背面照，但都Feel到愛得幾咁黐纏！皆因佢哋高調得著埋情侶T恤，一白一黑，而件衫系王子嘅自家品牌，背面印上「PRINCE STAR」，驚死人唔知佢就系「王子」！而Stephy雖然戴Cap帽同黑超掩人耳目，但就熱褲上陣大騷長腿，掛住拍拖連股肉都唧埋出嚟，鬼咁性感，點會唔畀人發現行蹤呢？雖然兩人冇拖手，亦未見任何親暱舉動，但都散發著濃濃愛意呀～

陳凱琳母親透bra送嫁　阿爸話：我真系冇乜嘢知

陳凱琳（Grace）父母今早十時十五分現身機場，出發到峇里出席囡囡婚禮，陳父連聲感謝大家關心，並接受訪問，佢透露Grace同未來女婿鄭嘉穎噚日已經飛咗去峇里。捨得女兒嗎？陳父笑道：「嫁咗都會喺度?嘛！」

印尼連日地震不斷，陳母坦言擔心，陳父就話：「婚禮系個女負責，唔關我事。」至於婚禮形式同賓客數目等問題，佢都系呢句：「全部系佢哋安排，唔到我哋話事，我系被動。」

咁，陳父有乜嘢系知道嘅呢？

佢就答：「我真系冇乜嘢知。」

有傳Grace之後會喺加拿大補擺婚禮，呢樣陳父就知喇，答案系：No。

咁系咪會喺香港補擺酒？陳父又系呢句：「唔知道。」

問到陳父畀未來女婿幾多分？他笑謂：「一定100分。唔系100分都唔畀個女嫁。」而向來都廿四孝嘅陳母同樣喜歡呢位未來女婿，表現風騷笑到四萬咁口，被問到今次系咪第一次放手？陳母話：「唔系，不嬲佢都有自己做。」仲叫大家「加油」！

雯女欽點合作？陳錦鴻劇本行先唔問對手

藝人陳錦鴻將與鄧萃雯為ViuTv拍攝新劇，有指今次是雯女欽點他演出，他回復媒體說：「究竟系咪欽點我做男主角，我就唔知道，因為我乜嘢都冇問，只系有人搵時，佢哋講咗劇本系咁樣，時間系咁同個價錢，我覺得可以做咪做囉。」他表示雖然劇本已收齊，但未開始圍讀，因為除了他與雯女，據他所知其他演員唔喺度，他說：「除咗攞劇本時見過雯女，其他演員我都未見過，有關於個劇嘅任何嘢都未開始，包括未造型，總之唔會系今個月之內開工，亦冇話幾時開，喺邊度拍都未傾，況且創作劇本，一定有好多嘢會修改或改動嘅。」

渣渣輝遭侵權　張家輝發聲明追究

藝人張家輝在微博發出聲明，指一款名為《我是渣渣輝》的遊戲侵權，由於該手游盜用了張家輝的肖像、姓名及名譽更拿了他紅爆的「渣渣輝」花名作招徠，他要求有關方面停止一切侵權行動，刪除侵權內容，否則將採取法律行動，依法追究相關侵權的法律責任。

張家輝早於2018年2月已終止了與某遊戲開發商的形象代言合作，目前也沒有再為任何一款遊戲進行廣告代言。

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！