薄酬加碼十倍！袁偉豪深水埗丟錢包，重要證件、數千元全部遺失

袁偉豪喺深水埗跌咗銀包，裡面有身份證同幾千蚊，佢喺FACEBOOK廣傳出薄酬，希望有人路不拾遺，袁偉豪留言：「本人在今日下午1:15-1:30 左右在深水步，醫局街一間茶室門口遺失一個錢啡色猄皮拉鍊銀包，內有身分證回鄉卡，駕駛執照，屋苑住戶證，提款卡信用卡，及少量現金、如有拾獲者請私人訊息聯絡，薄酬！謝謝！」

有網民留言問：「你問咗茶餐廳未？」袁偉豪回復：「應該系入去之前跌咗，嗰度阿姐仲捉住我影相。」袁偉豪接受傳媒訪問表示：「我喺一間茶室門口落車時跌咗，離開時埋單發現冇咗銀包，跟住去番車搵，但一直搵唔到，應該系跌咗喺地下馬路，因為我揸車，右手邊系馬路嚟。」問到跌咗幾耐發現？佢表示：「10分鐘咋，我依家開工，因為開工前真系好肚餓，因為依家減緊磅，頂唔順去茶餐廳食件多士，半個鐘內嘅事埋單走。」

袁偉豪話已經去咗深水埗警署報失，問到唔見幾千蚊，薄酬幾多尋回？佢表示：「$500」

而500薄酬尋銀包實時新聞出了兩個多小時後，袁偉豪決定加碼10倍重酬：「我未試過唔見嘢，第一次唔見嘢，我唔系好知道應該幾多錢，所以想加大啲銀碼，希望大家見到就幫幫手；不過我好深信，如果一個有心人士，佢執到銀包想畀番我，呢份心意系無價，所以都唔系用價錢去衡量呢件事，只不過覺得唔夠囉，網上好多人都嫌少，所以加大啲囉，都系買個方便啫。」

袁偉豪在深水埗唔見銀包報失後，駕車到荔枝角開工拍劇，記者趕到現場採訪，見到袁偉豪坐在車內皺曬眉頭，明顯為唔見曬證件而煩惱！

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！