岑杏賢點贊黃心穎馬國明分手詛咒郭富城一歲囡囡曬琴技

娛樂 09-06

背後女人

楊千嬅

00:00/04:20

今日快報

陳山聰計劃明年同女友結婚

藝人陳山聰出席香港鐘錶展活動，他表示剛完成手上的劇集，現在休息中，可出出活動搵錢，他說：「希望可以休息一個月，如果時間許可，都想同女友去個旅行，去啲陽光海灘嘅地方。」有指他與女友將於明年結婚，山聰直認有此計劃，他說：「都有諗過。（求婚未？）未，唔使，佢知，我哋唔會大搞，又唔會擺酒，只系諗住影嚇相，同屋企人食嚇飯，但我自己都追求完美，所以Settle Down啲工作先。（下年年中或年底？）時間未定。」

結婚7周年！陸永點解畀老婆用背脊得住？

藝人陸永同太太Reina一向非常恩愛，平時都經常出雙入對，不過呢日嚟到二人結婚7周年嘅紀念日，陸永一早準備咗一大扎紅玫瑰打算凼老婆，點知Reina竟然寧願瞓覺都唔理老公，唔通佢哋鬧咗交？其實系因為Reina全日冇停過！

身為好老公嘅陸永當然冇怪佢，仲喺社交網寫上愛的宣言多謝老婆：「今朝一早佢車個女返學，跟住接放學，再車第二個女返學，再接放學，再車返屋企煮晚飯畀佢哋食……我收工返嚟，佢已經攰到瞓死咗了，辛苦你了。結婚七周年快樂，我愛你。」

嘩！Sweet到呢…Reina今朝瞓醒起身後都覺得好冧，佢曬相兼留言：「陪我一齊早起湊女，陪我一齊食早餐，陪我hea住打機等女放學，就算冇花我都覺得好浪漫…#所有時候精力已畀兩個女耗盡　#慶唔慶祝已經唔重要　#瞓飽緊要　#七周（周）年快樂　#904＠6wing_fama」

郭富城一歲囡囡曬琴技　方媛贊認真！

天王郭富城（城城）與太太方媛去年喺半年內完成結婚同生B兩件人生大事，極速為屋企喜添一名小公主Chantelle。時間過得好快，Chantelle轉眼間已經一歲大喇！今朝，方媛就喺社交網曬出囡囡彈玩具琴嘅片，仲留言：「

片中囡囡剪咗一頭短髮，低著頭好專心咁彈咗幾下琴，個樣認真得嚟又好可愛！唔少網民都贊佢叻豬，仲有人建議話要學彈老竇首名曲《狂野之城》。另外，亦有眼利嘅網友發現Chantelle身後有部藍色嘅林寶堅尼玩具車，仲話估唔到愛車如命嘅城城，就連買玩具車都要揀自己心頭好呀！

黃心穎被咒同馬國明分手　岑杏賢竟然贊好！

落選港姐工藤佑采被指黑面hea跳引來負評，師姐黃心穎指佢態度差，但就引來工藤佑采喺網上「爆seed」開火反擊，掀起罵戰！

點知「一波未平一波又起」，日前黃心穎喺社交網上載咗一張日落靚相，其中一位網民就喺下方留言：「祝福你同馬國明分手，祝福」其後更有網民留意到港姐岑杏賢都有贊好呢則留言，即引起大批網民討論！雖然事後岑杏賢對該留言嘅贊好已被刪走，但早就畀其中一位以工藤佑采照片做頭像嘅用戶截圖，並轉發兼留言：「『祝福你同馬國明分手』留言，岑杏賢Jennifer都按LIKE，好嘢，證明TVB同事都想你地散，你不信可以睇嚇，個留言已經有一百多個人贊，你形象插水啦。」