趁《延禧攻略》熱！TVB女藝人變「蝦瓔珞」教你做妃嬪！

內地宮廷劇《延禧攻略》雖然在內地已經播出大結局，但依然深受觀眾歡迎，製造咗唔少鐵粉！

唔少內地影相Apps都推出延禧filter畀用家玩，一嘗做妃嬪嘅滋味。而向來擅長扮演的藝人楊詩敏（蝦頭），趁住呢個「延禧」熱潮教大家化個清朝妝容，唔單止大膽素顏示人，仲將堂眉塗白變「冇眉娘」，唔系個個女人都夠膽咁做?！

片中蝦頭自稱做「蝦瓔珞」，用紙板印咗個玉桂狗髮型套喺頭上，造型搞笑！仲特意配搭咗藍色色調嘅服裝同耳環，可見佢為今次拍攝幾咁用心。

蝦頭話呢個妝重點位置系堂眉同嘴唇，為咗強調眉嘅粗幼度，佢特意用遮瑕膏遮咗兩條眉。變咗「冇眉娘」嘅佢，自己都忍唔住爆笑！

之後佢再重新畫上幼眉，同埋韓國最興嘅咬唇妝。完成整個妝容後，蝦頭仲好認真咁講咗句台詞：「我『蝦瓔珞』天生脾氣唔好，唔好惹，邊個再喺度咦咦哦哦，我就一定有法子對付佢。」

唔少網民話每次見到蝦頭咁認真去搞笑，都忍唔住舉白旗投降！

個髮型真系一絕！

畫番條幼眉即刻好好多。

之後化埋咬唇妝。

CxxI xxk：蝦頭真的是一個有實力的演員！

東X。XX。：蝦頭真系犀利。萬能演員。美貌與智慧並重。

Axxxl xxxng：蝦頭素顏似少女...後生好多！

Apxxx xg：個頭點整？我又想整個

喜歡這篇文章嗎？立刻分享出去讓更多人知道吧！