羅嘉良不拍戲靠咩搵食？城城強調婆媳關係楊千嬅自揭遲到真相

娛樂 09-29

天才兒童1985

張敬軒

00:00/03:41

今日快報

拍劇拍出感情　蘇可欣戀上傻強

前港姐兼無線娛樂台主播蘇可欣（Eunice）早前有份客串劇集《愛．回家之開心速遞》，飾演學生會之花，同「傻強」馮奕森發展一段短暫嘅感情，Eunice：「我見到傻強變靚仔之後，佢借咗把遮畀我，我就開始鍾意佢，但點知佢最後變番平時咁，我就離棄佢。（現實都鍾意靚仔？）現實都系嘅，但擁有唔到望嚇都好。」

Eunice話覺得拍劇好好玩，仲希望繼續有得拍：「我仲好想繼續拍，同場嘅演員又差唔多年紀，睇得出《愛》劇啲演員感情好好，同埋我第一次拎住劇本去睇，終於感受到其他演員講做功課嗰種感覺，所以希望可以拍多啲。」

已同監製自首！楊千嬅自揭遲到真相...

藝人楊千嬅出席電影《麥路人》的感謝宴，對於有指拍攝劇集《多功能老婆》，令對手陳煒發火，千嬅謂：「其實都冇乜要回應，成日都有呢啲新聞，又唔系好真實，雖然有少少事實，呢啲時間梗有長短，有時爭一個shot咪遲啲囉！但系度期都度得充裕咗。反而拍呢套電影試過遲到，拍劇都遲過兩、三次，因為啲通告太緊，但都系遲廿分鐘內嘅事，我自己會打畀監製陳寶華自首，呢啲嘢一定要做。」

她又指有一次因為傷咗尾龍骨，要去針灸，所以拍這部電影時遲到，她笑言：「我等嘅時間又唔計嘅！」她表示重點是完成了兩個很好的作品，說到有指陳煒等到火都嚟，她謂：「唔清楚喇！如果系點解依家先寫，都拍到四、五個月啦！呢啲嘢天知道點解咁咪得囉！」

視像湊女　城城強調婆媳關係和諧

藝人郭富城出席電影《麥路人》感謝宴，現時他同時拍攝兩部電影，問是否很忙，沒有時間湊女？他謂：「世界進步咗！呢個世界仲有wifi，都唔使同我擔心。」對於有雜誌指太太方媛是城媽的磨心，城城說：「完全冇啲咁嘅事，呢度憑空想像出嚟嘅小說，只要我有電影同演唱會上，就會無啦啦出嚟，憑空想像嘅劇情，見慣不怪，系無需解釋，總之我依家過住健康、快樂同和諧嘅家庭，對呢啲不實新聞我只講一次。（婆媳關係OK？）當然啦！」

問有第二胎好消息未？他風騷地說：「我一直都講，大家睇住我成長，好關心我屋企，但講得太多，大家注意力集中我家庭上，我都好樂意同大家分享，我講過自己好鍾意小朋友，但有啲嘢暫時無可奉告，畀啲空間我啦！總之適當時候自然就會講，上天會有安排，添幾多個小朋友交畀個天啦！總之有好消息會同大家分享，但呢一刻無可奉告。」

另外，他表示在訓練班時已跟萬梓良拍過《成吉思汗》劇集，時隔了三十年再度合作，大讚對方依然咁好戲、好專業。