無線「解凍」金剛復出，疑因「志偉黨」慘遭打壓雪藏？

娛樂 10-05

由金剛、小儀主持的無線飲食節目《街坊廚神》系列一向有不少擁躉支持，所以一直長拍長有，繼《街坊廚神》、《街坊廚神食四方》、《街坊廚神舌戰新台韓》、《街坊廚神舌戰東京》以及兩集特備節目後，系列最新一輯的《街坊廚神重出江湖》亦於上月3日首播。

首集，金剛、小儀兩位主持便與擔任助手的衛志豪、葉蒨文（Sophie）大擦避風塘美食，之後他們又挑戰菜式「姜蔥蟹炒腸粉」等街坊試味，最後由技高一籌的小儀以6：4分數勝出，之前輸多贏少的金剛又再添敗績。

疑因「志偉黨」身分被雪　金剛上年離無線

其實不少觀眾都對金剛再次在無線亮相感到出奇，因為金剛上年已經脫離了無線，轉投王祖藍旗下公司，又搬回了台灣居住，似乎全面退出香港市場。當時，有報道便指金剛與曾志偉相熟，是「志偉黨黨員」，所以成為了派系鬥爭下的犧牲品，慘遭打壓、雪藏，引致工作量銳減，在2014年全年更只拍得一個節目，搞到他心灰意冷，被逼「敗走台灣」。雖然金剛憑《街坊廚神重出江湖》在無線「復出」，但他日前卻未有出席記者會，全場只得小儀一個人擔起大旗，令不少觀眾感到非常可疑。

想回港宣傳　非顧住搵人仔

不過，金剛確實有在記者會中「亮相」，身在橫店開工的他便拍片解釋自己因為分身不暇，所以未能及時回港出席活動，而金剛離開無線後的確不斷接拍內地製作的網路大電影、網劇，難道他掛住搵人民幣而不屑賺港紙？非也！據知，金剛本人都好想回港宣傳《街坊廚神重出江湖》，始終這個系列都是他和小儀經營多年的「品牌」，但尊重合約精神亦非常重要，所以必要留在內地開工。

節目載譽回歸　小儀指謠言不攻自破

提到拍檔金剛無暇回港宣傳節目，小儀接受訪問時便指對方的確在內地開工開得如火如荼：「佢忙到不能！（你兩位隔咗兩年再合作都仲Keep到。）火花一定仲喺度，因為大家私下都系好朋友。」談到有指金剛被列入「黑名單」，小儀即指這個謠言已經不攻自破：「事實就證明咗唔知啦，如果真系咁，又點會有呢輯節目。不過我都真系驚喜嘅，以為佢走咗之後就冇得再拍《街坊廚神》系列，點知兩樣嘢系冇關係，系想拍嘅，TVB點都會邀請你。」問會否現時工作量倍增的金剛開心過之前？小儀答道：「佢一向都開心嘅。（佢有冇叫你都返內地搵錢？）我哋有叫佢照住我哋呀！第日升做男一，就記得搵我哋一齊拍住上，佢男一，我女七都冇問題。」