《愛.回家》飯敘！黎諾懿一句話感動網民

無綫處境劇《愛．回家》系列向來深受觀眾歡迎，唔單止連續開足四輯，最新嘅《愛．回家之開心速遞》更不斷添食。

呢個系列咁成功，第一輯嘅一班演員絕對功不可沒，佢哋仲十足一家人一樣，即使劇集拍完咁耐都不時約出嚟相聚。

呢日一班演員又再聚埋一齊打邊爐，佢喺社交網上載咗一張大合照，相中見到有一班「查李施律師樓」嘅同事，當中包括姚瑩瑩、庄思明、楊卓娜、何綺雲同羅天池，而張達倫更加帶埋老婆、囝囝張凱碩（勁秋雞），一家三口出席，認真夠畀面！

黎諾懿留言寫上《愛．回家》主題曲歌詞：「在世間遮風擋雨有一種愛。」即令網民好感動，仲話回憶返曬嚟添！

喜歡這篇文章嗎？立刻分享出去讓更多人知道吧！