周星馳開新戲苟芸慧巨鑽婚戒曝光張建聲陳嘉莉假分手？

娛樂 10-11

講不出再見

夢幻的笑容

譚詠麟

00:00/04:54

今日快報

佢都有份？王子率先探鄧麗欣個Baby

藝人鄧麗欣（Stephy）同台灣男星邱勝翊（王子）自公開戀情後，不時喺網上放閃曬恩愛。之前Stephy就喺社交網同大家分享咗個好消息，宣布話：「我的Baby出生了！」原來佢將會開一間健康飲品店，地點仲系喺男友嘅所在地台北，唔知佢系唔係為咗可以同男友多啲見面呢？不過鋪頭未正式開張，王子呢日就已經率先試飲，仲喺社交網上載喺Stephy新鋪試飲嘅相，幫女友宣傳，難怪網民都留言話佢哋Sweet到爆呀!

發哥返到香港繼續跑！陳山聰：終於遇上他

影帝周潤發日前去台灣宣傳新戲時，都不忘上山跑步，仲要連跑兩日，精力旺盛！最近佢已經返咗香港，但竟然冇停落嚟休息啦！

「Crazyrunner」成員之一嘅陳山聰就喺Instagram上載同發哥合照，原來佢哋一早就去咗跑步，仲有方中信，齊齊跑咗7公里添，佢留言：「感恩5年來系（喺）人生馬拉松跑道上幸運地遇上很多導師，今天終於有機會遇上他，發哥感謝你在短短的路途上用心教導，我會努力地練習」最後喺水塘影大合照，依舊都系發哥揸機呀！

同寶兒甜蜜互影！袁偉豪冧番阿媽曬母子情

尋日踏入27歲嘅前港姐張寶兒（Bowie）已經同男友袁偉豪（Benjamin）及未來奶奶去咗東京旅行，今次仲系佢處女下海首次同埋Ben家人外游！除咗生日當晚Ben當街獻唱冧女友，佢哋都不停喺社交網放閃，又以男女朋友視角互影對方，而Ben仲化身司機載住佢周圍去，真系Sweet到漏！

不過除咗女友，Ben都冇唔記得阿媽，佢今日就喺Instagram上載母子溫馨合照，網民都大讚袁媽媽好年輕，佢哋兩個笑容都好一致！其實Ben一直都好孝順，年中為患上鼻咽癌的父親奔波勞碌，可惜袁父最終不敵病魔離世，堅強面對嘅Ben曾表示「媽媽交給我吧」一力承擔照顧母親嘅責任，阿Ben今次亦留言：「只要媽媽快樂，我便快樂！」

秘密複合？張建聲陳嘉莉口徑一致：順其自然

35歲張建聲今年四月於社交網宣布跟陳嘉莉分手，兩年情玩完，有傳他曾暗交「籃球女神」方詠琳，但最終都分手收場！今有指他最終成功翻撻分手半年的陳嘉莉，兩人更一齊到外地蜜游，之後更雙雙返回深水埗寓所！而在蜜游期間，張建聲曾於社交網貼相留言：「帶著功課去旅行」但就絕口不提陳嘉莉，而陳嘉莉就更加小心，連相片也沒有上載，夠曬低調。查實兩人自分手後，近月已在社文網上恢復「交往」，陳嘉莉於社交網貼相，張建聲都會給「心心」作關注！

對於被指翻撻成功兼去蜜游，張建聲以短訊回復：「不作多回應了，多謝關心，一切隨心，順其自然就好。」Kelly亦同一口徑地回復：「一切順其自然啦！」答案同心兼合拍。

巨鑽婚戒曝光準新娘苟芸慧風騷出埠

「處女黨」最後一成員苟芸慧（苟姑娘）將於本月19日和錫礦大王陸佑後人陸漢洋（William）假上水雙魚河鄉村會所舉行一連兩日、分日夜場的婚禮。婚期正倒數中，兩口子本應更忙，可是在機場遇見苟姑娘和經理人及女助手，見他們正辦理飛往巴黎的手續。據知此行她是受邀出席國際品牌大型活動，亦會順道留在當地搜羅幾款合心的高跟鞋作配襯婚紗及晚裝之用，至於代表牽手一生一世的婚戒便揀定了Tiffany ＆ Co.的六個鑲爪鑽戒款式。

William今次特別「贊成」女友離港完成婚前最後一個工作，皆因他欲預留時間準備送驚喜婚禮給愛侶，之前他打探過女友的喜好及夢想婚禮，為免泄漏風聲，就算工作忙仍堅持一腳踢不請Wedding Planner，更由揀結婚日子、時間、地點，到婚宴上的大小事宜，如婚宴座位安排也一腳踢，全部要保持神秘，毋須女友操心。

據悉被邀的200名賓客將收到電郵及喜帖，分兩日舉行，全因想有較長時間跟到來的賓客相聚，新人更有準備了Surprise表演，望親友們盡興而歸。William是緊張大師，反要苟姑娘安撫要保持輕鬆心情享受婚禮過程及接受親友祝福。

苟姑娘雖然被「御准」出埠，雖身不在，但心擊男友，甫抵達巴黎時，即穿上黑絲裝拍短片放在社交網，對鏡頭碰杯又放電，似乎正向男友隔空傳情，愛少一刻都不能。