「時裝達人」徐濠縈扮大肚婆，偷看阿女比賽

「時裝達人」徐濠縈出席品牌Pandora新店開張活動，身穿中空裝到場的她展露腹肌，甚有形格。

對於早前其時裝店舉行結業派對，她表示：「其實月尾先正式結業，不過啲收尾工作交畀拍檔處理，自己多咗時間同老公Eason同個女去滑水。（邊個叻啲？）你話呢？其實我比起初學者系叻啲嘅，不過大把朋友都叻過我。」

談到日前Eason與兩次大滿貫得主李娜打網球，她笑言老公曾經要求她和女兒一起學網球，她說：「佢又叫我睇佢比賽，不過我都冇去，有得揀我寧願去滑水。

（阿女做咗中間人？）都有少少，佢仲話媽咪唔畀佢去學網球。其實阿女有打手球，球類運動一種ok啦，佢好有天分，打得好好，仲系校隊選手，但佢比賽就唔畀我兩公婆去睇，怕唔方便。Eason試過睇阿女比賽，昵喺好遠觀眾席偷偷哋影阿女，因擔心現身會引起鬨，影完就要即刻走。我有諗過扮大肚婆，不過阿女話我扮乜都會被認出。」

問到有否感到傷心？她表示：「慣咗，最多佢比賽拎獎後畀張相我哋睇，都ok，佢小學畢業我哋都有去。」

呢件衫不得了，暗曬腹肌！

喜歡這篇文章嗎？立刻分享出去讓更多人知道吧！