台慶亮燈！小花輪住上位，楊明捱足20年終上一線！

TVB昨日舉行《TVB 50+1周年再出發》亮燈儀式，大班台慶劇藝人紛紛出籠，而每年亮燈儀式最重要就是看站位，越接近第一排，代表仕途進入上升軌跡。

「鎮台之寶」汪明荃當然坐陣最前中間位置，右邊起為視帝王浩信、視後田蕊妮。

有台慶劇出街的男女主角當然有份，當中在《兄弟》當第二男主角的楊明，首度進佔第一排，企在力捧之列，楊明亦百般滋味在心頭，表示好不容易才站到這個位置。他說：「我今年收到信，叫我攞20年金牌，封信邀請我食一餐晚飯，呢個金牌我等咗好耐，呢幾年好多謝公司俾機會我，我好開心可以逐步進步，希望嚟緊10年或者20年可以更加叻啲啦，今日我覺得好鼓勵，自己紅褲仔出身，訓練班出嚟，由獎品先生做起，由企位最高嗰層，逐層降落，而家終於可以試下企第一排，希望下年以再企前少少，做埋亮燈就好喇，哈哈。」

較特別是當選港姐入行做主持便有不少迴響的麥明詩和馮盈盈，已被安排企在第一行靠邊站，而左邊起是蕭正楠、朱晨麗、黃智賢、張振朗和湯洛雯，去年台慶頒獎禮奪得「最佳女配角」的朱晨麗，今年已「升呢」企第一行。

節目開始的第一部分已擺出法庭布景，由汪明荃扮演法官，為劇集《是咁的，法官閣下》宣傳，而劇中演員逐一介紹角色，故鴻鈞則出場唱主題曲。

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！