洪金寶爆太太獎勵娶二奶蔡一鳳剖腹誕龍鳳胎王浩信帶隊上京

娛樂 10-18

我好想你

英皇年度回顧

馮允謙

00:00/03:47

今日快報

「送水輝」許家傑一招搣走污糟Feel

無線藝人許家傑為男士激光脫毛中心擔任代言人，他以短褲上陣，大騷胸肌及腹肌，身材弗到爆。注重儀容的許家傑一直有鬍鬚生長迅速的煩惱，早上清理完、下午便會重新長出來，令他感到十分不便，怕給人骯髒的感覺。

他接受激光脫毛，把面部鬚根部分脫掉，新長出來的鬍鬚較之前的幼細，解決了鬚根印的問題。他亦將胸上的體毛完全脫掉，腳毛和手毛也進行局部脫毛，事後他表示對效果感到滿意。

鄭世豪食飯骾親險死：我要學識慢活

歌手鄭世豪在社交網透露自己一向是性急的人，做任何事都要快，誰知他連吃飯也非常急，更吃到出現骾喉情況，他說：「平時做人做事眼見可以快的，就儘快完成，不要蹉跎，不想浪費任何人任何時間，估不到連打完波，食餐快飯，都快到骾親，就快氣都抖唔到，面都青埋。」又指打波隊友曾想一度致電救護車求助，幸好最終他平安無事：「我人一跪低，食道居然自動開啟，才幸好保上一命，今後我要學識慢活。」粉絲亦叮囑他要小心保重。

廿年感情！阿嬌曬全家福：還番個人生畀佢

最近同老公賴弘國（Michael）參加大陸真人騷《爸媽學前班》嘅鍾欣潼（阿嬌），喺節目中學做阿媽，仲要落廚煮飯，明顯生疏，仲自爆好少煮嘢畀老公食，因為工作太忙，又提起照顧咗佢廿幾年嘅阿姨！不過呢位阿姨要退休返菲律賓喇，令到阿嬌都好唔捨得，佢喺Instagram上載咗張全家福包括嬌媽，留言：「想喊~~Estella要退休番（返）菲律賓喇　好唔捨得！」

唔少網民都有同感，，慨嘆廿年感情真系唔易，好似一家人咁！有人就問佢點解唔叫對方留低，阿嬌就話：「還番個人生俾（畀）佢。」仲有網友就笑言：「跟得你多有星味！」佢又叮囑阿姨萬事小心，仲話：「See you in December（12月見）」咁啱佢會喺12月擺酒，唔知系咪請對方返嚟飲呢？

江嘉敏驚青谷劇！王浩信帶隊北京放笑彈

王浩信日前到北京出席《優酷港劇場嘉年華》活動，與朱晨麗、楊明、馬德鍾、何廣沛、王君馨及黃智賢等，宣傳三大台慶劇《兄弟》、《跳躍生命線》、《是咁的，法官閣下》及年底壓軸劇《大帥哥》。眾人分享拍劇的難忘事，浩信、楊明、江嘉敏與朱晨麗分組玩碌生果遊戲，表現驚青又生鬼，引得全場大笑！

當主持人問到浩信劇中角色是否「網癮少年」時，監製林志華即搶答說：「他不是少年啊！」唇槍舌劍的還有《是》劇一眾演員，大玩「正話反說」遊戲，場面搞笑。而《大帥哥》的主角張衛健雖然未有到場，但亦有拍片打氣。

盛品儒做老竇！蔡一鳳剖腹誕龍鳳胎

名媛蔡一鳳（Michelle）與老公盛品儒婚後的愛情結晶終於出世，Michelle昨天早上陣痛了4、5小時後，決定剖腹，順利誕下一對龍鳳胎，生產過程Michelle非常緊張，而老公盛品儒接受東網訪問時，坦言對新生命來臨感到奇妙：「好神奇、好開心，但亦好有壓力，因為養小朋友要好多錢！（見BB出世緊張嗎？）我還好，Michelle就好緊張！其實身邊好多朋友都結曬婚生咗細路，但自己生嘅，始終感覺好唔一樣，依家人生新一頁開始，希望努力做嘢，仔、女快高長大！」

跟足指示減肥　洪金寶爆太太獎勵娶二奶

藝人洪金寶到西貢為電影《如珠如寶》拍攝，見他身形較為清減，他表示有按太太高麗虹的指示斷食，並已進行了兩個月：「減少少啦！肥又話唔健康、又話糖尿，要減少食量。依家要戒食澱粉質，仲有斷食一日飲菜汁，目的系將呢幾十年食嘅葯排出嚟。」

問乖乖聽話，太太可有獎勵？他笑言：「可能畀我娶二奶啦！我肯做佢已經好開心，話想多謝番我，畀機會佢陪我耐啲，又話我想陪啲孫耐啲，就要好好照顧自己。」他又指孫仔亦好關心他，會禁止他食朱古力。

今次應林敏驄邀請拍戲，洪金寶表示拍得好舒服：「都系笑嚇喊嚇，做導演就辛苦囉！香港電影我都好耐冇參與，香港就快冇電影?喇！以前香港電影帶領潮流，依家畀韓國追過曬，香港人都唔睇香港電影。（拍太少電影？）系環境問題，依家都冇功夫演員，以前我哋練功系想做功夫明星，依家後生練功，都系出嚟賣叉燒包，系冇前景呀，咁你做乜諗嘢呢？」

歡迎分享至朋友圈

告訴大家一個小秘密，

洪金寶爆太太獎勵娶二奶 蔡一鳳剖腹誕龍鳳胎 王浩信帶隊上京