利智掌管20億？騙徒扮孫耀威賣特別服務？袁偉豪唔滿意女友？

娛樂 10-22

痴心換情深

純愛傳說

周慧敏

00:00/04:16

今日快報

忙足38小時　陳家樂自爆屋企有喜事

藝人陳家樂以一身灰色西裝配煲呔造型出席東方錶行沙田錦標「時尚煲呔賽馬日」，問到會否覺得打煲呔是紳士象徵？他表示：「系呀，喺我心目中打煲呔系襯喜慶日子，嚟緊我屋企都有喜事，就系妹妹結婚，我幫緊爸爸物色禮服，佢成世人冇乜著過靚西裝，想搵套Fit身啲畀佢，交由我負責。（咩風格？）冇咩特別，貼身就得，因為佢比較矮小。」

家樂又透露近期工作忙碌，時間很緊湊：「同時拍緊電影同電視劇，試過撞時間，一連拍咗38小時。（唔驚捱殘？）還好，趁後生搏嚇。」

獃等5個鐘！梁漢文機場接邊個咁大支嘢？

歌手梁漢文最近頻頻北上演出搵真銀，不過佢日前飛去廣洲時就發生咗啲小插曲，搞到佢要喺機場獃等幾粒鍾！佢喺社交網甫出一張喺機場嘅自拍照，話自己人已到埗，但系行李竟然無上到機，佢留言：「我今朝坐第一班機由北京飛廣州，準備今晚喺肇慶嘅演出，我人就到咗廣州，可惜我個行李無上機……點搞」相中見佢苦瓜干咁嘅樣，睇嚟真系好無奈。

咁都未算最灰，事關佢要喺機場「接喼機」，而接喼同接人唔同，唔可以同對方聯絡，又唔知確實時間，所以佢亦只可以「痴痴的等」。不過皇天不負有心人，佢前後夾埋等咗5個鐘，都「終於可等到一生中最愛」，令佢好興奮咁表示：「我大佬出嚟喇，依家仲要飛兩個幾鍾車先到肇慶，趕呀趕呀……」

唔滿意女友？袁偉豪爆張寶兒花名叫張補妝

藝人袁偉豪（Ben）及組合Super Girls成員Jessica出席品牌活動，Ben即場為Jessica補妝，獲贊溫柔細心。問到跟女友張寶兒有否研究化妝問題？Ben表示大家有自己一套，由對方發揮：「我哋互不相干，當然都有畀意見。（有冇彈過佢而激嬲佢？）成日?啦！唔系彈，系直接，睇佢點吸收囉！（點凼番佢？）唔使凼，都系講事實！例如會叫佢唔使成日補妝，佢喺朋友界當中有個花名叫做「張補妝」！（你鍾意佢咩妝？）其實淡妝都ok，見我唔使咁濃。（佢素顏都好得？）都好得?！不過我多數瞓咗覺，睇唔到。（有冇試過瞓醒畀佢素顏嚇親？）唔會！咁都嚇親就退咗貨啦！佢素顏ok嘅！」

講到台慶頒獎禮將至，Ben表示會力撐《三個女人一個因》的拍檔黃智雯（Mandy）奪視後，他說：「因為套劇都好多個月之前，之後有好多套劇，怕大家唔記得，其實Mandy演繹得好好，又成熟，如果佢拎唔到視後，我就繼續幫TVB打工！希望評審同觀眾有眼光揀佢！」

講到前輩岳華逝世，Ben表示兩人沒有合作過，但多年前曾在化妝間傾偈談網球經，覺得對方是一位健康的人，而年頭亦在加拿大一起做Show，當時對方仍然很精神：「今朝聽到呢個消息好可惜，我明白同病痛戰鬥好辛苦，希望佢家人儘快走出傷痛。」

六千美元有特別服務？騙徒扮孫耀威賣假飛

不老男神孫耀威就快開演唱會，不過有不法之徒就用假Acc，四齣撞騙。老孫佛都有火，喺ig以證視聽，佢仲Cap埋個假Acc圖，裡面見到一張VIP飛竟然賣成6,000美元（約48,000港元），仲話包埋酒店預訂同免費參觀，相信系用嚟呃內地遊客。

老孫就爆粗留言話：「大家小心！這個人連我個姓都寫錯！6,000美金買我演唱會飛？！咁一定有『特別服務』啦！大家千祈唔好中計呀！真系要送我番首新歌 #XXXX 俾（畀）呢條友聽嚇！」講真，就連老孫自己都唔信佢演唱會可以賣6,000美元。

佢接受訪問時火都嚟，話今早太太陳美詩嘅朋友講番呢件事，先發現網上有騙局，暫時唔知有冇人受騙，但希望冇人中招：「希望大家理智啲，6,000蚊美金買一張演唱會飛真系傻，應該唔會有人咁蠢，但真系有啲擔心，因為有啲粉絲系會誤信咗佢。」佢又話曾喺內地做騷時，有一名司機邀請佢影合照，其後有內地粉絲同佢講，呢個司機曾用呢張合照向佢粉絲騙財，甚至有騙色之嫌，令佢擔心再有類似騙案發生，所以他在網上出甫，提醒大家要小心勿受騙。

至於老孫ig提及「咁一定有特別服務』」系乜嘢？佢話：「我諗系『衰嘢』啦，如果佢幫你book酒店又有房，唔知會唔會嚟酒店搵你？所以要去正視此事。」問會唔會向對方追究？他話：「唔知點追究，或會發訊息畀對方，可能會透過唱片公司同事跟對方聯絡，又或者會放蛇，如搵到對方就會報警，我都想殺一儆百，唔想再有人在網上受騙。」