拍劇被鬧阻街，黃翠如耍冧：代劇組向大家說聲對不起

黃翠如同郭少芸最近合作無線新劇《過街英雄》，日前喺尖沙咀開工，有網友表示當時見到翠如同郭少芸被一班黑衣人追斬，但就因為拍攝阻街被人爆粗狂鬧。

當晚約九時半，由於系重陽節前夕，公眾假期前諾士佛台上面嘅酒吧例必多人，而《過街》劇組就揀咗一條幾乎繫上諾士佛台嘅必經之路。網友話：「嗰條樓梯都幾多人行?，佢哋每次拍完一個鏡頭就會放一堆人行，大部份人都會願意等候幾分鐘，或自行兜另一條路行上去酒吧。但拍到十點幾，有班人唔耐煩，大聲爆粗鬧：『阻X住曬，拍戲大曬呀』，咁之後導演就拉隊轉去另一個地方拍。」有疑似劇組人員覺得唔順氣，一人一句反斥對方：「系咁X樣?喇....再阿吱阿咗呢....」。

咁翠如BB同少芸有冇被嚇親？網友話：「可能呆咗一呆啦，因為佢哋喺樓梯中間，都有一段距離，但應該聽到有人講粗口，因為啲聲入咗機，最後系要停機再拍。」黃翠如回復傳媒時話：「我拍嘅時候又冇聽到呀，其實嗰日在一條後巷拍打戲，路過嘅人很好，很多都說等我們拍了一take才過，不過假如有阻到大家過路，也代劇組向大家說聲對不起。」

歡迎分享至朋友圈

來源：蘋果日報

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！