糖妹被爆直變彎：我鐘意男人鐘意到爆炸！

現年31歲的糖妹，自從2013年狠撇拍拖兩年的花心型男何浩文後，感情路上一直「Dry」爆至今。

近日有爆料指她已覓得新歡，但最爆的是新歡是一位昵稱DanDan的同性密友，有傳對方從事保險行業，跟糖妹認識多年，對她千依百順、照顧周全，消息指兩人近年糖黐豆般有影皆雙，朋友圈子早就認定兩人的親厚關係。

上月16日糖妹生日，一班好友為其舉行驚喜生日派對，圈中好友陳瀅、曾國祥、王敏奕等到賀，DanDan當然亦有現身，身穿藍色恤衫的她，外形較男性化，有指生日會由她做搞手，落手落腳布置房間，牆上還貼有三張壽星女充滿意境的靚相，而糖妹亦有將當晚慶生照片放上社交網跟粉絲開心Share，但偏偏未有公開這張「密照」，相中的DanDan肉緊地攬住糖妹，兩人頭貼頭狀甚甜蜜，相反拍拖到場的曾國祥跟女友王敏奕卻分開坐。

回復記者時笑說：「咁大誤會！我鐘意男人鐘意到爆炸！」爆料者指DanDan對她熱烈追求，她笑說：「邊個爆？信我好過，好無聊！笑死人。」她表示跟DanDan認識了十幾年，她說：「你哋知道佢個名都犀利，我哋好多年生日都一齊過，我哋好friend，影相梗係攬頭攬頸。」她坦言未有男朋友：「咪咁先有咁多揣測。」

她表示早在大專時已認識DanDan，她說：「有一年佢仲喺我唱片公司做過一個暑期，當時佢都未做保險，我哋關係千絲萬縷，除咗係好朋友，當然佢亦都係我保險經紀。（你會唔會同佢講番？）我都唔會同佢解釋，我同好多男仔頭都傳過緋聞，佢都上過報，所以佢會慣，好小事啫！」雖然好多公司老闆都不鐘意藝人拍拖，但她笑說：「我老闆都有啲擔心我。（你嘅異性緣咁差？）係囉，事業型女性係差啲，應該唔好成日掛住做嘢。」

歡迎分享至朋友圈

來源：東網

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！