岳華追思會11.20舉行苑瓊丹羅家英金馬踩場丁子高帶千嬅冰島造人

娛樂 11-09

最後的玫瑰

留下我美夢

甄妮

00:00/04:35

今日快報

善良有得揀　鄭世豪寧願蝕底唔做自私精

「細龍生」鄭世豪將推出今年第二首新歌《良善之地》，首度和樂隊CAN BAND合作，他接受訪問時，被問到是否開始扶持後輩？他謙虛表示：「唔好咁講，其實佢哋喺音樂界都有成就，今次想試嚇加啲韓、日風喺首歌度，所以先同班年輕band合作嚇啫。」

談及新歌，他指靈感來自同名美劇：「個劇講人生遇上好多加分同減分嘅事，但每個人對加、減分嘅定義唔同，直至上到天堂先知定論。」問他可曾做過應該加分的事，他就覺得：「我個人唔自私，唔怕蝕底，但做我哋呢行，朋友、同事就叫我唔好成日幫人設想，我就寧願蝕底啲，唔想做個自私嘅人。」世豪希望帶出「良善，是一種本質。善良，是一種選擇。」

李嘉徒手劈榴槤　《城寨》奸出汁提名男配

現年36歲的李嘉6歲開始集武，1999年考入無線動作特技演員訓練班，兩年後再讀藝員訓練班，從此開始演藝生涯。功夫了得的他前年宣傳劇集《火線下的江湖大佬》時，徒手劈榴槤劈到流血，令人印象難忘。

多年來拍過不少劇集，當中在《城寨英雄》飾演馮夏滿，生吞雞蛋後欲強姦「鑫鑫」林穎彤，奸到出汁的表現令觀眾留下深刻印象，他更憑此角色首度獲提名《萬千星輝頒獎典禮》的「最佳男配角」。當年他更在台慶中奪100萬元獎金及獎品，表示想用獎金出一本有關自己功夫經歷的書。

預告飛起個仔　丁子高帶千嬅冰島造人

藝人楊千嬅老公丁子高丁子高出席酒店下午茶活動，講到近日跟太太外游回港，他說：「系公司嘅節目去冰島拍攝，千嬅話跟我去睇下北極光，點知當地天氣唔好，灰色天，惟有下次再同佢去。（帶埋仔仔Torres去，否則佢又通輯你哋？）已經幫個仔計劃好，下午破天荒放一個月假，一家三口去好多地方，同埋親戚去，因為大家都有小朋友，一行四家人，大約20人。」他指仔仔想去主題公園的郵輪：「依家先知Book呢啲要一年時間，已經爆曬。」

不過，丁子高講明下次冰島之旅依然冇預仔仔：「始終呢個地方系啱兩個人，情侶去，嗰度好大風，唔啱小朋友。（順便造人？）有就有，有就要停曬千嬅嘅工作，佢工作已經Full曬，家庭旅行都系下年七月暑假先去。」

綠葉做嘉賓　苑瓊丹羅家英金馬踩場

《第55屆金馬獎頒獎禮》將於11月17日晚於台灣舉行，今年金馬執委會主席為李安、評審團主席是鞏俐。而入圍最佳男主角的包括鄧超、邱澤、段奕宏、徐崢、彭昱暢；入圍最佳女主角的有周迅、孫儷、趙濤、謝盈萱、曾美慧孜，十位準影帝、影后都將出席頒獎典禮，角逐華語電影界的崇高榮譽。而周迅、劉若英、鄧超、陳奕迅、張藝謀、鍾孟宏將同時擔任頒獎人。

今屆金馬獎主視覺海報特彆強調了「相對於電影，人人都是配角」以及「每個配角在他的領域，都是不可或缺的主角」等概念，故大會亦特別邀請了經典級「綠葉」苑瓊丹、羅家英擔任頒獎嘉賓。