最想獲最佳劇集獎，黃智賢自爆自小熱愛演戲！

藝人黃智賢（Ben）、王君馨（Grace）於台慶劇《是咁的，法官閣下》中的演出備受讚賞，劇集亦令觀眾產生共鳴。

Ben與關禮傑在劇中都是大狀，二人過癮的鬥嘴戲成網民熱話，但原來現實生活中，Ben亦有個類似的死黨：「張錦程系我中學同學，嗰時佢已經系劇社嘅風頭躉，坐喺台下嘅我好羨慕，不過當時屋企窮，我放學就要返去幫手。

（由細到大好想做戲？）系，我真系好鍾意睇電視，所以當初獲簽約無綫，我真系好開心。」說到台慶獎項，他形容今次劇集的成功全靠台前幕後共同努力，所以最想奪得「最佳劇集」。

而Grace則指自己的角色令觀眾由厭煩變為同情，亦和Ben一樣寄望此劇可成為最佳劇集！提到有傳她不肯生B，她謂：「我同老公真系好珍惜我哋嘅二人時間，年紀都仲細，所以希望用呢幾年，畀啲時間夾嚇我哋嘅生活節奏，亦慢慢去計劃將來有屬於自己嘅屋企，跟住再生小朋友。」

喜歡這篇文章嗎？立刻分享出去讓更多人知道吧！