吳綺莉避談新抱洪欣撐阿仔闖娛圈陳凱琳曬凸肚

娛樂 11-29

兩個偶然

精裝歌集

鄺美雲

00:00/03:53

今日快報

勁熱血！《愛．回家》成班後生風雨中飛車

無線處境劇《愛．回家心速遞》嘅一班年青演員，包括阮政峰、蘇韻姿、周嘉洛、馬貫東及吳偉豪等，喺劇入面感情好到似足一家人，現實中佢哋同樣「friend過打band」，佢哋仲組團踩單車，蘇韻姿仲拍片放上社交網，見佢哋踩到去河畔休息，吳偉豪仲化身model，畀咁多位「攝影發燒友」瘋狂任影唔嬲！點知隔咗冇耐，突然落大雨，搞到全部人都變曬落湯雞，不過呢班後生仔女都堅持唔放棄繼續出車，令蘇韻姿激動直呼：「好青春呀！」

感情好到扎姊妹頭！千雪好愛湯洛雯因為…

前港姐湯洛雯（靚湯）同朱千雪早前到北海道拍攝無線旅遊節目《3日2夜》，寓工作於娛樂，睇見都覺得好爽，而節目近日終於播出街，見佢哋感情好到翹曬手，仲姊妹頭上陣，千雪BB就喺社交網上載短片，見靚湯好熟練咁幫佢扎麻花辮，而千雪就好享受咁自拍同玩電話，難怪佢留言話好愛靚湯，但個原因竟然系：「I love this girl because she』s always there when I need her... to do my hair.（我愛呢個女仔，因為我好需要佢幫我整頭髮。）」

開心曬全家福！苗僑偉25歲仔仔大學畢業喇

藝人苗僑偉（三哥）同太太戚美珍（三嫂）育有一仔一女，2013年時，女兒苗彤大學畢業，舉家飛到加拿大睇佢行畢業典禮。而事隔五年後，今次就輪到25歲的兒子苗晉大學畢業喇！今日，三哥、三嫂喺微博上載一家四口嘅合照，見苗晉著住畢業袍、手執鮮花，真系大個仔喇！而三哥同三嫂除咗開心到舉起V字手勢之外，又作狀錫錫兒子，真系開心到飛起！他們留言：「畢業了，開心，並不是甚麼學業有成，而是你的堅持和努力被肯定，是你學懂了怎樣面對困難和挫折，學懂怎樣面對孤獨和無助，你大個仔了，恭喜Murphy。」唔少網民都大讚苗晉高大又有型，紛紛估佢會唔會殺入娛樂圈發展呀！

林夏薇倫敦出席《水行俠》首映

DC超級英雄大片《水行俠》（Aquaman）首映前晚於英國倫敦舉行，男主角Jason Momoa、安芭赫德（Amber Heard）、龍格爾（Dolph Lundgren）及導演溫子仁等均有現身，可謂眾星雲集。而香港代表林夏薇亦受導演邀請出席首映，近日忙於陪老公四圍飛工作的她，亦專程與老公甜蜜撐場，即使首映禮當日他們凌晨才飛抵當地，也即急急腳扮靚，她謂：「今次嚟倫敦幾日，行程比較滿，其中一日出席首映，多謝導演邀請，佢非常出色，所以好榮幸。」首次參與外國首映，薇薇更有機會近距離接觸荷里活電影明星，笑指感覺新鮮又興奮：「因為我同先生都系超級英雄粉絲，屋企都有儲好多模型，今次可以見到『正義聯盟』成員，同時亦有機會同荷里活導演傾偈交流，真系獲益良多。」

郭可盈生日　全家總動員出動慶祝

尋日49歲生日嘅美魔女郭可盈，喺微博上載多張慶祝照片，留言：「我要我愛和愛我的人，每年都一起《共同渡過》！」可盈曬出一家人大合照，包括細佬郭可頌、弟婦熊黛林及其一對孖女Kaylor同Lyvia，當然唔少得老公林文龍同女兒津津，加埋10幾個人，真系非常熱鬧！而除咗有三個蛋糕及大壽桃，枱上嘅巨型發光煎堆同「一柱擎天」拉糖絲相當吸睛！而可盈另外又上載一家三口合照同之前慶祝嘅相，網民都祝佢生日快樂同永遠幸福，又大讚佢Keep得好好，一家顏值都好高呀！

車箱「變身」　陳凱琳曬凸肚

藝人陳凱琳以一身露肩連身褲出活動後，即於工作人員護駕下乘七人車匆匆離開，前往跑馬地一會所，期間她還於車內「變身」，下車時見她已換上了黑色平底涼鞋及松身上衣，腹部微隆已見肚的她，發現記者在場即揮手道別後，才抽著一袋二袋步入會所。

洪欣做頭號粉絲撐阿仔闖娛圈：最緊要佢開心

藝人洪欣與莫少聰所生的兒子張鎬濂（Ashley）落實正式出道，洪欣接受東網訪問時，更表示她與老公張丹峰會全力支持兒子，更已成為對方的頭號粉絲！她說：「其實Ashley好細個已經鍾意呢行，之前佢都有同我老公傾過，可能大家男人同聲同氣，好多嘢Ashley都會同我老公傾，加上我想佢讀書，呢行壓力太大，但佢真系鍾意嘅話，當然佢開心最緊要，我哋一定支持，仲做埋頭號Fans添！」大讚韓風造型合適對於兒子的韓風造型，洪欣大讚非常適合：「其實佢一直好鍾意唱歌跳舞，兩年前已經同啲朋友仔組咗個團去學舞，好多時都練到啲衫濕到好似跌咗落海咁，真系好辛苦，但佢唔怕，仲話自己好鐘意（跳舞）。依家咁啱有公司招佢去訓練，確系一個好好嘅機會。（點解兩公婆唔做埋經理人？）唔得，做經理人唔系咁簡單?！」同莫少聰冇聯絡至於莫少聰知不知道Ashley入行？洪欣則說：「唔清楚，我哋冇聯絡。（Aahley有冇問莫少聰意見？)我哋都冇聯絡，點會問佢意見呢。」

避談新抱Andi　吳綺莉：要接受小朋友長大

藝人吳綺莉接受ViuTV《十五分鐘熱度》訪問，談及面對女兒卓林種種傳聞的心情，她表示：「其實心情呢個問題講過，唔想再答喇。（有冇見過阿女？）有見過。（咁Andi呢？）我同我同事一齊都有見過曬。（對佢印象有冇改變？）都系嗰一句，我想私人、家事都少講，因為做主持做演員，每一個人每一個階段都系向前望。依家都好難得多咗時間做自己嘢，以前小朋友仲細，大部分時間都系照顧小朋友。（依家同佢相處開心啲？）我覺得父母都要接受小朋友長大，系適應吧。」而吳綺莉日前在社交平台上載相片，言談間心情似乎未受卓林結婚影響，她留言：「我覺得演戲都是藝術，好像我畫畫的，朋友跟我說很多畫家要到五十多歲才真正開始畫畫，要有人生經歷你才做到，做戲也是一樣的。」

通知通知

為防止突發情況賬號失聯！

大家可以添加Miss.K的個人WeChat：

hkchanne1666

不要和我失聯喲！