《是咁的》布大狀人氣急升！副業好賺錢但照樣搏命演戲！

以前睇律政劇

個個大狀都威水咁

但《是咁的 法官閣下》

就將新晉律師嘅辛酸嘢擺出嚟

等大家睇到原來律師呢份工

唔係大家想像中咁輕鬆

比如話布大狀（阿躉）

大家覺得律師應該好風光

但佢係慘到要住劏房

仲要被師爺剋扣雞碎咁多嘅律師費

但佢又好善良好熱心

會免費開講座同大家講法律知識

又會擔心報紙攤嘅婆婆

佢將呢種小角色

做得有血有肉

網民都覺得佢演技唔錯

更有網友建議開拍《布大狀外傳》

話一定有睇頭wor

突然人氣急升

「布大狀」林景程都好多謝大家

「多謝，其實都證明

編審茜姐同監製Andy

塑造阿躉塑造得好好。」

「我都有留意網友留言，

真係好多謝他們有留意阿躉的成長，

可能阿躉真係太慘，

而且我個樣唔出聲又天生傻傻地咁，

所以大家都覺得我特別陰公，

總之代阿躉多謝大家。」

有網友話好想見到

佢最後成為一位成功嘅大狀

林景程笑言呢個好難：

「阿躉唔係一般純品，

劇內唔講先，

我自己覺得現實生活冇機心，

好難生存。」

至於會唔會真係拍《布大狀外傳》

佢就表示有得諗：

「我都好鐘意自己拍嘢，

等我收集下大家希望放啲咩情節入

《布大狀外傳》先。」

雖然升呢做人氣王

但佢而家照樣捱兩份工

經常喺TVB演專業人士嘅佢

原來現實中都係真·專業人士

林景程係一位物理治療師

畢業於香港理工大學物理治療系

最勤力嗰陣人工係做演員嘅七八倍

雖然收入非常可觀

但佢一直當物理治療師係副業

佢覺得做演員可以接觸更多事物

加入大台後仲發現自己

對演戲充滿興趣同熱誠添！

打兩份工會唔會好chur？

林景程話放工沖個涼

就要返物理治療

雖然好攰但會盡量安排好時間

初出道嗰時佢試過

朝早6點呢邊廂落班又直接去返工

睇得出佢真係非常熱愛演戲

對於咁有熱誠演戲嘅人

網民都好撐佢

期待佢有更多好作品啦！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！