阿嬌推新歌，愛的宣言冧老公：I love you

藝人鍾欣潼（阿嬌）將於本月20日於香港補擺婚宴，最近她積極收身，並於網上同大家分享減肥進度。

另一方面，她一直忙著籌備新專輯，今日就推出情歌《聽說的幸福》。她坦言好感恩能夠擁有這首歌，不過令她感恩的對象並非未婚夫，而是首歌的作曲、作詞人，內地著名唱作人汪蘇瀧。

她說：「汪蘇瀧系我一直好喜歡的歌手，覺得佢寫嘅作品好甜蜜，所以我就send message畀佢，問可唔可以幫我寫首歌呢？其實我哋之前系未合作過，不過佢好快答應咗，真係為我哋度身訂造，首歌仲寫得好好，本身自己都唔算眼淺，但一收到嗰陣感動到想喊，應該話遇到呢首歌系另一種幸福！」

MV描述一對情人相處的點滴，阿嬌話同另一半系異地戀，所以MV情節除左交代二人一齊相處嘅時光，仲有為另一半執行李、夜晚煲電話粥或者視像通話，就算去到邊都會影張相同對方分享。

其中一幕，男方下廚煮公仔麵，阿嬌即聯想起老公賴弘國為自己做過同類型事情，她說：「好多時我哋各自分開去工作，呢種情況下要維繫確系有難度，平時我哋好著重分享自己生活，最重要系唔好畀遠距離去影響到段關係。」

MV結尾，阿嬌手寫一句英文藝術字「You love me. I love you. That』s all that matters.」原來她於現場即學即寫，現場工作人員都大讚寫得有板有眼，寫嘅時候表情仲好冧，真系幸福滿瀉！

就快喺香港擺酒喇！

喜歡這篇文章嗎？立刻分享出去讓更多人知道吧！